منقول
هنغسل الرز كويس جدا وننقعه في شوية مية صغيرين ونركنه شوية
نيجي للتسبيكة
هنحط اي مادة دهنية خفيفة ( زيت ) في الحلة ونسخنه وننزل عليه بالبصل
وعصير الطماطم وفص واحد بس ثوم ونسبك كله مع بعضه
نبهر بقى بالفلفل والكمون والبهارات والشطة حسب الرغبة
وانا كمان بحط مكعبين مرقة دجاج
كده التسبيكة خلاص استوت والخطوة الجية بقى
هنحط الرز المنقوع بعد مانصفيه كويس من المية ونضيفه للتسبيكة
لحد ما الرز يشرب التسبيكة
ونضيف خضرة المحشي اللي غسلناها وقطعناها
نقلب الرز مع الخضرة كويس جدا
كده احنا جاهزين للحشي
هنجيب ورق عنب مسلوق ونفرشه في ارضية الحلة للي هنحشي فيها
بعد كده ممكن نحط عيدان خضرة المحشي فرشة على ورق العنب بيدي طعم جميل وريحة روعه
وممكن اول سطر نعمله محشي فلفل وبتنجان في نفس الحلة
وونكمل الحلة بعد كده بمحشي ورق عنب فوق الفلفل المحشي
وبعد كده بقى لاهم خطوة في محشي ورق العنب باللبن
هنجيب كوبايتين شوربة لحمة او فراخ ونكمل الباقي لبن
ونضيفهم على حلة المحشي
وممكن نخلى قطع لحمة صغيرة في الشوربة او قطع فراخ بردو
وبلاش نزود مية على المحشي علشان اللبن بيسوي الاكل بسرعه اكتر من المية او الشوربة
والتسوية بقى على نار عالية لحد ما الشوربة واللبن يبدأ يغلي ونوطي عليه النار
ده شكل ورق العنب بعد مااستوى
رد مع اقتباس
المشاركة الأصلية كتبت بواسطة مہحمہد عہلى المہوسہوي
