سورّبت عيني اعله دربك ...
وانته مامش .....
يامطر ... صبخايه روحي ....
نّث حنانك خل تخضر ...
فيض وتّبده اعله زلفي ....
وامطر الوان العشگ .....
طفي روحي .... الماتشوفك تحترگ
ضمني لو خصله ابضفيره ... آنه اقبل
مرني لو حته حلم ....
واذبح احلامي اعله كيفك ... خلني اذبل ...
اقبل اذبل ......
يامطر .... مشتاگ اشوفك ....
وارد اشوفك ...
حته لو حرف ابقصيده ....وانته ديوان بجمالك ...
مرني لعابة ومراجيح واغاني ...
وانته معروف ابدلالك .....
ياوصف يوصل خصالك !
يامطر سمعني صوتك ....
خل نغني ...
وخل نّعاتب ... بالصور
وكل حرف مني اجالك ...
يامطر !
علي الشمري
2017/1/27
الساعه 3:30 مساءً
رد مع اقتباس
المشاركة الأصلية كتبت بواسطة a_hakeem
