هنا

[أميرة الحب]

ماحسبت رشگة ماي وتعوف اليحبونك
وماحسبت بالتابوت ميت وامشي من دونك
وفوك متون اليشيعون مامرتاح
وانه تمنيت حتى الموت
خاطر خشبة التابوت من انشال بلكي تلامس متونك
وانه من اول نهار وياك
تهت بس وين بعيونك
وانه اعرف مايخلونك
وانا الكاتلني موش الغير لا يهواي
انه الكاتلني انت
انت بأخر المشوار
بخلت بچلمة شلونك
يواهسنه السوالف طيش تعال
ورجع البسمه واكطع كل الهوه العشاگ
وتخوصر بريتي ومرني لو نسمه
وادفيك بسوالف شوگ مملوحات
تعال وعوف كل الصار
لاتتعذر بقسمه
مر بعيوني لو
لحضات
ضل اخر نفس بيه
تلاحگني بوجه زعلان واقبل
بالملاگه شما يصير يصير
هيه الشوفه بالنيه
هو بنادم شما عاش
ذاك الموت تاليه
يلايممي
اليعاشر كون كلشي يخلي بحسابه
الجف لاتضن بطران
لو مامختنك عالصار مايترك الم مگفاه مطبوع بوجه بابه
ولو گلبي صدك خوان
مو طاري العشك يم بابكم جابه
وياطرگاعتي بكل ليل تمر بيه الطيوف وجايبه طلابه
ويافشلة دموعي مدنگه من تطيح
بس فشلهن بلا لون
وخلص دمعي وبچيت من العيون عيون
واشوف بكثر نجم الله الشماته كبالي ويضحكون
ويحاچوني ولا رديت وينشدوني ولا رديت
چن غظوا بصرهم كلشي مايدرون
وماخشن گلب شامت اذكرك بي
واكلهم ذاك اشوفنه وگلت يرحون
وشفت سنبل حچيهم صوفر من الصار
وبمنجل لسنهم كاموا يحصدون
وتحاشيتهه ومااعرف شيردون
ويحاچوني ودرت وجهي ولارديت
ومارديت بس رديت
ادور بشارع البي شفتك نزفيت
وماحصلت شي اذكر عشرتك بي
بس اني وصفنتي وچم غلف چكليت
......
الشاعر عدنان البلحاوي

[كراميلا]

جميلة الانتقاء

[أميرة الحب]

جمال بحضورك اكتمل عزيزتي