الك بس هل دمع عيني والك صب
والك ساس بوسط روحي والك صب
سهم حبك دخل گلبي والك صاب
دليلي وصار طشارة بإدية

احبك لاتكول اشلون احبك واليكون ايكون
احبك لاتظن انساك لاجلك كل عذاب يهون


دمع عيني اعتقد بجفاك وشل
وجرحي مايفيده ضماد وشل
لون اعضاي كلهه تموت وشل
اضل بهواك لاخر نفس بيه

اذا بس مره احبك كلشي ماسويت واذا مليون احبك يعني ما احبك يمعود دخفف من جمال البيك العالم من حلاتك صارت اتكرهك

- تعال أخذ الگلب صوغه ودربي
لأن دربك صفه دربه ودربي
ذهب ضميت بگليبي ودر بيه
أنخبطت ويه الذهب تاهت عليه


علي بلاذنب تزعل وراضي
وذهب لاجلك عفت ياما وأراضي
يل خدك گمر خلف وراه ضي
غصب عني اتبعك مو بأديه

أريد أكتب شعر عنك وعني
وأدز الگلب لدروبك وأعنيه
صرت أنت سبب ونتي وعني
وألف دكتور مايلحگ عليه

- بعد ماكو فرح عندي ولاعيد
ومصايب بعد ماأحسب ولااعد
گلتهه وبعد ماكرر ولااعيد
الفرح راح وبعد شيرده أليه


لوبلچفن* ملفوف ، لتصدگ * انساک

صح جسمي بلتابوت، بس روحي ويـّاک

(چفن: کفن _ لتصدگ: لتصدق