ياناس هذا الكلام صحيح لو مو صحيح؟؟-الشاعر حسين الساعدي
صحيح لو مو صحيح!!
لا تلوم المايريدك ! والجره كله امنديك!
انته رايح لليبيعك !!ما رحت للمشتريك!
واليريدك ما رحتله! والتريده ما يجيك!
ونتظرته وما يسولف! ساكت وما رَد عليك
واليسولفلك تعوفه! والسكوت الهسه بيك!
مثل ما تشكي عليهم! أكو ناس التشتكيك!
انته مظلوم ابشريكك وانته ظالم للشريك!
هايه دنيانه الغريبه لا بدينه إولا بديك!!
تلكه بيها الما يطيقك تلكه بيها اليشتهيك!
وانته بالمكلوبي تفتر والتناقض يعتنيك!!
لا تلوم اللي يعوفك وانته عفت اليرتبيك!
ظالم إومظلوم أنتَ والملامه اِترد عليك!
والملامه اترد عليك
حسين االساعدي
رد مع اقتباس
المشاركة الأصلية كتبت بواسطة أميرة الحب
