هنا

[كراميلا]

لمن تتفرج ع مباراة كرة قدم ويه مرتك

هي : وين رايح ؟؟
هو : رايح اشوف المباراة بالگهوة ..

هي : ليش ماتشوفها بالبيت ..
هو : حاب اشوفها ويه اصدقائي

هي :ها يعني احنا مو كد المقام فما تتفرج ويانه
هو : لا حول ولا قوة إلا بالله ِخلص اشوفها وياج ..

هي : اللاعبين ليش يتفلون هوايه ؟؟
هو : يتفلون ع الحكم ..

هي : و عصام "الشوالي" شلون حافظ اسماء اللاعبين كلهم ..؟؟
هو : هذا شغله لازم يحفظهم ..

هي : شلون اكو لواعيب سمر بايطاليا ؟؟...ايطاليا بيها سمر ..؟؟
هو : اي بيها ..

هي : لا مابيها ..
هو : خلص مابيها..

هي : ليش معصب ؟؟
هو : لا مو معصب عادي ..

هي : بس على فكرة القميص الاحمر مو ملائم ويه لون البوت..
هو : فعلا ..

هي : المعلق شكد ياخذ عاالمباراة؟؟
هو : عشر الاف دولار ..

هي : صدك بطران لعد .. زين والمذيع مال اللعبات العربية ..؟؟
هو : اهم شي يتعشى وينطوه جكاير واجار التاكسي ...

هي : گووووووووووول ..
هو : لا لا اوفسايد ..

هي : أوفسايد؟؟ شلون اوفسايد؟ ..
هو : لالا اتشاقه گول گول ..

هي : طالما گول ليش ماغيرو النتيجة بالشاشة ..
هو : خطأ من القناة نفسها ..

هي: بالله شنو يعني اوفسايد مافهمت ؟
هو: اوفسايد اسم مدرب الفريق

هي: وينه مدرب الفريق
هو:گاعد برا

هي: و ليش ميلعب
هو: لان المدرب مايلعب هو يسوي تبديلات للاعبين بس

هي : زين اكو تبديل حكم ؟؟
هو : شلون؟؟

هي : لانه اكو حكم يركض على الخط وشايل علم..
هو : هذا حكم الراية ابو الأوفسايد

هي: الاوفسايد المدرب قصدك
هو : اها هذا ابوه حاطينه يراقب

هي : اوكي اخر سؤال ،وين مارادونا؟ ..
هو : ولا واحد ..

هي : وينه هو حالياُ..؟؟
هو : إنتحر ..

هي : ياساتر ..شنو السبب؟؟
هو :جان يتفرج ع المباراة ويه مرته

[Shadow man]

ههههه حلوه عاشت ايدك ....

[كراميلا]

ههههه حلوه عاشت ايدك ....

شكرا ع الحضور ^-^

[عضوية57049]

ياابوية كلبي كام يوجعني و اني دااقرا المحادثة ، حقه ينجلط
الحمدلله اعرف بالطوبة ومو مثلها

و شكراً

[رامي الاصيل]

ههههه اعوذ بالله من لزكتهن

[كراميلا]

ياابوية كلبي كام يوجعني و اني دااقرا المحادثة ، حقه ينجلط
الحمدلله اعرف بالطوبة ومو مثلها

و شكراً

ههه شكرا ع المرور

[كراميلا]

ههههه اعوذ بالله من لزكتهن

هههه شكرا ع التواجد

[بركان حبك ياعلي]

روحي وانت طالك طالك طالك وراح احول عالتنس لسان حاله ههههههه

[فواطم الصافي]

طبعا نفس الاسأله .. الأسأله الي بالبدايه نفسهن أسألهن الأخويه ومن اشوفه يظوج اكله اشبيك يكول لا سلامتج ماكو شي أني أشبك و أكله حبيبي علوشه هوه يدفعني يكلي شايفتني بنيه تكليلي علوشه طلعلي شنب وتصيحلي علوشه ..و يشمر الريمونت عليه ويدفرني ويكوم أكله مو صوجك صوجي اني كعدت اباوع وياك طوبه يكلي اي اي اي بس استري علينه وخليج ساكته أكله أسم الله بعدك عمرك اهدعش سنه وهيج عصبي لعد اذا كبرت شتسوي .. هوه يطلع ويركع الباب حيل
واني اضل صافنه عالطوبه مثل الاطرش بالزفه
عاشت اديج هموسه

[كراميلا]

روحي وانت طالك طالك طالك وراح احول عالتنس لسان حاله ههههههه

طبعا نفس الاسأله .. الأسأله الي بالبدايه نفسهن أسألهن الأخويه ومن اشوفه يظوج اكله اشبيك يكول لا سلامتج ماكو شي أني أشبك و أكله حبيبي علوشه هوه يدفعني يكلي شايفتني بنيه تكليلي علوشه طلعلي شنب وتصيحلي علوشه ..و يشمر الريمونت عليه ويدفرني ويكوم أكله مو صوجك صوجي اني كعدت اباوع وياك طوبه يكلي اي اي اي بس استري علينه وخليج ساكته أكله أسم الله بعدك عمرك اهدعش سنه وهيج عصبي لعد اذا كبرت شتسوي .. هوه يطلع ويركع الباب حيل
واني اضل صافنه عالطوبه مثل الاطرش بالزفه
عاشت اديج هموسه

شكرا ع الحضور