انواع الطلاب بالامتحان انت يا نوع منهم؟
النوع الاول
الطالب الي يكول خلصت من اول ربع ساعة ويريد يسلم ورقته ويطلع
بس المراقب مايقبل ويكله انتظر نص ساعه بعد راجع بيها وهو كل شي مكاتب بيها
النوع الثاني
الطالب الي كاعد اول استيج والمراقب يمه ومايكدر يغش بس يتنفس ويسوي نفسه
يحل وينتظر الوقت يخلص حتى يرسب
النوع الثالث
الطالب الي يكول الاسئله مو واضحه ويريد يصيحون الدكتور حتى يوضحله
بس بالحقيقة يريد يردله الحل
النوع الرابع
الطالب الي يراقب المراقب وينتظر اللحظة المناسبة حتى يحدد هدف وينقل منه
حيث يمتلك عيون زرقاء اليمامه وعادة ما يطلب مساحه او مقطاطة او حاسبه
حتى لا يجذب الانتباه
النوع الخامس
الطالب الشاطر المتوتر ويدعي ويستغفر وكل شويه يروح يغسل وجهة ويرجع ويجوز يتخربط اذا اجه تعريف ماحافظة او قانون ناسي . ومايكدر يردلك من الخوف عبالك كاعد بغرفة الاعدام
النوع السادس
الطالب الي راسب خمس سنين ويدور مشاكل ويتعارك ويه المراقبين لحد ما ينطرد يله يرتاح
النوع السابع
الطالب الي يعرف بس القوانين بس مايعرف يطبقها ويطلع الناتج ومرات يكتب اجوبه من تأليفه واخراجه واهم شيء يوصل لدرجة النجاح
النوع الثامن
الطالب الي يبقى اخر واحد بالقاعة لحد ما يسحبون منه الورقه ومن يطلع يكلك ليش طلعتوا من وكت خلونه ننقل من الملزمة واشتغل الرد بفلس
اعترفوا من اي نوع انتم ؟ مع مراعاة وجود الصراحه في الاجابة
رد مع اقتباس
المشاركة الأصلية كتبت بواسطة أمجد الاسدي
