هنا

[Samer]

الله يساعدهم

شفت قسم من الاعضاء استغلوا شغلة الـ MP3 بلير .. و استخدموه بملفاتهم الشخصية على شكل رسائل زوار لنفسهم .. علمود ينطلق الصوت و يسمعه الزائر لملفاتهم الشخصية

اوكي .. هاي الشغلة .. تتطلب منك انه تدز رسالة لروحك بيها الـ أم بي ثري .. .. يعني شوية زحمة واحد يدز روحه بالعشاير .. شنو قابل ماكو ناس تدزله خخخخ

لا صدك .. المشكلة .. انه إذا كان هذا الملف الشخصي Popular .. يعني عليه اقبال من قبل الاعضاء .. مثل ملف ايفان مثلا .. راح تضطر كل 9 رسائل تعيد العملية من جديد .. لان الرسالة مال الـ ام بي ثري تروح بالصفحة الثانية .. و محد عنده خلك يروح للصفحة الثانية علمود يسمع دالين لو الاوسي شحاط من سالفة هع

هسة .. احد يسأل .. شنو الغرض من هذا الموضوع .. لحد الان ما افتهمنا . .. اكلله .. هيج ما عندي شي و حبيت افيك شوية خخخخخ

لا لا .. اني اكدر اسويها .. و اخللي امكانية انه تكدر تضيف رابط ملف أم بي ثري عبر حقل اضافي بالبيانات الشخصية .. و مجرد ما تضيفه .. راح ينطلق الصوت العذب مالته بملفك الشخصي .... و إلا تغيره من (تعديل بياناتي) يالة يتغير للعالم .. و إذا ما تخللي رابط اي ملف ..يعني ماكو صوت طبعا

ماكو داعي نذكر .. انه الملفات الصوتية لازم تكون مطابقة للقوانين .. و إلا المشرفين العامين يعلسوكم .. وحوش الله يسلمهم . ما يفرقون بين مدير و مؤسس و عضو .. .. اللي يخالف يطبروه بدون نقاش هع


تر هاي الشغلة صعبة .. و محد مسويها بالمنتديات قبل (خللي اهمبل) .. .. و يرادلها خلك و صفنة .. .. و تعب كووولش كووولش كووولش هواي و احملكم منية كووومة .. (و بينانتنه الحجي لو ادبرها لو لا )


هسة .. شتنطوني إذا اسويها ؟؟

[Daleen]

شغلة وبيها منية ماتنراد ....تكرعنة بيها عاد انت شلون ماتحب الحجي

سويها وكلشي ما ننطيك طالبنة بطلابة شنو ؟؟؟

[Samer]

هههههههه .. لا لا .. خللي كل عضو يجيب (باكة) ورد و يجي .. .. و المشرفين على (باكتين) .. و المشرفين العامين على ثلاث باكات خخخ .. المؤسسين كلشي ما اريد منهم بس جفوني شرهم خخخخخخخخخخخ

[fairy touch]

اكولك..عاد محد مسويها شلون ؟...اني اصلا ردت اكولك سويلنياها مثل دكتور.......... ما مسويها بمنتديات (تعرفها اعتقد )....المهم ...سويها هي خوش شغلة ومرتبة ...وعود نجفيك شرنا

[EvAnEsCeNcE]

شكد حاجي يبووو شوف خل اصير مشرفة عامة الا اعلسك
سويها النا حلوة واني اول الناس جربت وضفت فلاش بملفي حتى اسمع موسيقى
تفتح النفس,,, وعفتها كلها لحكت على ملفي المكرودوسويلنا خاصية تنسيق الملف
خل نغير الملف نسوي حلو شوية وموسيقى يصير توب
شكد حجيت يبوووو انعديت شسوي
مشكور عالمقترح وكلشي مننطيك

[spyman]

شغلة حلوة , لكنها موجودة مو محد مسويها ,

شكراً على مجهودك

[Samer]

اكولك..عاد محد مسويها شلون ؟...اني اصلا ردت اكولك سويلنياها مثل دكتور.......... ما مسويها بمنتديات (تعرفها اعتقد )....المهم ...سويها هي خوش شغلة ومرتبة ...وعود نجفيك شرنا

ههههههه .. اللي اعرفه .. .. الـ (دكتور) .. جان مسوي فيديو من اليوتيوب بالملف الشخصي .... و فيديويات الـ يوتيوب ثكيلة بالتحميل عادة .. مو مثل الـ ام بي ثري خفيف و ينطلق صوته رئسا

شكد حاجي يبووو شوف خل اصير مشرفة عامة الا اعلسك
سويها النا حلوة واني اول الناس جربت وضفت فلاش بملفي حتى اسمع موسيقى
تفتح النفس,,, وعفتها كلها لحكت على ملفي المكرودوسويلنا خاصية تنسيق الملف
خل نغير الملف نسوي حلو شوية وموسيقى يصير توب
شكد حجيت يبوووو انعديت شسوي
مشكور عالمقترح وكلشي مننطيك

لا تنطوني .. جاسم اخوي ينطيني خخخخخخخ

خاصية تنسيق الملف الشخصي بعدها ما متوفرة من المصدر ... .. بس هاي مال الـ أم بي ثري سهلة أعتقد

و بعدين اني وين احجي هواي ؟؟ شو ما شاء الله عليج .. تفوتين على ملف من الملفات .. تترسيه من الهيدر للـ فوتر ..

اني المكرود .. يا دوب الحك احجيلي كلمتين بملف صديق لو لا

[Samer]

شغلة حلوة , لكنها موجودة مو محد مسويها ,

شكراً على مجهودك

هسة عمي .. ما كايلين ما موجود منها بالدنيا هع

بس .. اني شايف يضيفون فيديو .. مو ملف أم بي ثري

و كذلك .. راح استغل بيها الـ أم بي ثري بلير مالتنا .. اللي اني ما شفت اي منتدى عربي يستخدمه لحد هاي اللحظة ... بقية المنتديات تستخدم الريل او ويندوز ميديا بلير لتشغيل الملفات الصوتية .. و الله اعلم

يلا .. هسة منو كال اسويها .خخخخخخخخ

[spyman]

هسة عمي .. ما كايلين ما موجود منها بالدنيا هع

بس .. اني شايف يضيفون فيديو .. مو ملف أم بي ثري

و كذلك .. راح استغل بيها الـ أم بي ثري بلير مالتنا .. اللي اني ما شفت اي منتدى عربي يستخدمه لحد هاي اللحظة ... بقية المنتديات تستخدم الريل او ويندوز ميديا بلير لتشغيل الملفات الصوتية .. و الله اعلم

يلا .. هسة منو كال اسويها .خخخخخخخخ

والله لاحد الان ما شايف منتدى مستخدمها , ان شاء الله تصير

[أحمد الأوسي]

سويها واتجفا شرنا