الموضوع،، مو ترويج لمصطلح الزواحف الفيسبوكي ارجو الانتباه لذلك ،،،
لان اني بالاصل ضد هذا المصطلح وضد المجموعة المراهقة من بنات وصبيان الفيسبوك اللي روجوله
وسببوا شهرته
الله خلقنا نساء ورجال وخلق بينا نوع من كيمياء الانجذاب لاستمرار الحياة
وهذه حقيقة ندرسها حتى بعلم الاحياء يعني مثل ما ( الرجال تزحف على النساء ، النساء هم تزحف على الرجال )
حسب المصطلح الفيسبوكي هذا
لكن كل واحد يتصرف حسب تربيته واخلاقه والتزامه الديني
المهم
قبل يومين دخلت امراه على صديق لى بالخاص وبدت تسأله عن عمله ومنشوراته وببعض الامور العامه
وهو الرجال يجاوب بكل ادب واحترام
ولأن الحديث طول ، تخلله بعض المزاح المؤدب مو اكثر لان هذا الصديق انسان محترم جداا
يگول اني هم اتجاوبت گلت مو مشكلة بعمري ومابيها شي ، وراها يگول اجتني منها هذه الجملة
" اشو الظاهر انت تزحف "
الصديق ولانه مجان يعرف شنو معنى هذا المصطلح
فجاوبها بصدق وامانة " لا والله امشي وبعافيتي "
وبعدين من سائل صديق ومفهمه ، ظال يضحك ويرد ليوره ، والفتاة طلعت مو بعمره طلعت "
طعشية العمر ( ١٧ ) يامحفوظين البگا والسلامة
رد مع اقتباس
