بسم الله الرحمن الرحيم
يقال الناس اشكال وكلمن مع ناسه وطبقته الاجتماعية المثل هيـﭻ أيـﮕول ونحن محكومون ببعض العادات والتقاليد،، على كلٍ كان ولد شاب وسيم عشق فتاة جميلة من منطقته وكانت طالبة جامعية وهو مهندس إلاَ أن تقاليد أهل الولد لاتسمح لهم بمصاهرة اهل البنت على اعتبار ان الولد الشاب من طبقة عالية واهل البنت من طبقة موش جويده! يعني مو ناحية الشرف لا من ناحية الفارق الطبقي عموما الح الولد على ابوه فلم يقبل مره مرتين ثلاثة اربعة مرات ام الولد تسمع وترى ولكن ليس بيدها شيء تفعله لإبنها المتيم والمشغوف حبا للفتاة واستخبر اخوة الولد ولم يفعلوا شيء ازاء تعنت الوالد، يعني من باب (احنه وين وذوله وين)ابو البنت يعمل عامل يكسب من عمله الشريف وبتعب يديه لقمة العيش (عربنـﭽـي) وذوله شيوخ حسب قول ابو الولد ماترهم المهم وصلت الحال بالولد لو اتزوج البنية لو انتحر! صمم على الإنتحار اتصلت ام الولد بأحد زوجات اصدقاء زوجها الشيخ واخبرتها بالحال من طقطق الى السلام عليكم اخبرت زوجها جاء صديق الشيخ الى بيته ووقع عليه فأقنعه على كل حال اخبر البنت بموافقة والده فقالت له البنت اذن عليك استعجال الحدث يعني مشي على اهلي هنا المشكلة، اخذ والد الشاب ساده وﮔوام وشيوخ واجاويد ومذاريب زلم نشامى، وذهب الى طلب يد البنت فلم يوافق والد البنت العربـنـﭽـي تفاجأ الجميع ! خرجت المشيه بخفي حنين (لاحظت برجيلهه ولاخذت سيد علي) تكررت المشيه لثلاثة مرات ولم يوافق ابوها وصادف مره من المرات كان الشيخ جالس بالـﮕـهوه ينتظر عربنـﭽـي يحمل له بعض الحاجيات التي اشتراها الشيخ من السوق لإيصالها للبيت وبالطريق سأله الشيخ تعرف فلان ﮔـاله العربنجي الثاني أي شيخنه ليش حـﭽـاله السالفه فتعجب كَاله العربنجي هذا فلان عاصي عليكم ليش ما كتلي جان اني اجيبها الكم بدون مشيه وكام يحجي ويضحك العربنجي كال للشيخ هسه راح افعل كذا وكذا خلي يولي شنو.... على كل تعجب الشيخ من الكلام وفعلا بعد ساعة اجه العربنجي وكاله باجر تروحون للمحكمة للعقد لان حاجيته وكالي أي هسه اني موافق ليش مايجيبولي مثلك وياهم بالمشيه لان اعرفك وتعرفني.... القصة واقعية وحدثت بمدينة الكوفة
اخيرا... تحيات الـﮕـيّم
رد مع اقتباس
