هنا

[عدي البياتي 123]

** السلام عليكم ورحمة الله**

اليوم أخترت لكم شي جداً مميز أبيات شعر مختارة عن الوداع والفراق


أتمنى أنها تنال على إعجابكم..
----------------------------------------------------

يامن وداعه لي مثل نزعة الروح

لو كانها مرّه فلا بد منها
--------------------------------------------------------

شف كلهم ودعوني مابقى غيرك

محتاج أودعك.. ياليت تودعني
--------------------------------------

قبل السفر ودي بنظرة أخيره

أعيش فيها باقي العمر وأموت
---------------------------------------

على فرقاك أنا باقي

ولا غير هواك إحساس

حاولت أنساك بفراقي

ولقيت إني نسيت الناس
---------------------------------------

طلبتك أرجوك لاتردني قول تم

احرص على نفسك..

تراك غالي
----------------------------------------

ياصاحبي خذ للحبيب رسالتي

فعسى يرى بين السطور الأدمعا

بلغه أني في الغرام متيم

والقلب من حد الفراق تصدعا
----------------------------------------

طيفك يونس وحشتي كل ماضاق

صدري من الفرقا وبعد المحبين
----------------------------------------

يوم الوداع أتخيلي.. مالي حبيب اوادعه

محروم أنا.. واتخيلي..محروم حتى من العذاب
--------------------------------------------------

رحلت مابشرتني بالرجوعي

واوحت لي ظروف الليالي بالابعاد

ماقلت لي يومين ولا اسبوعي

ولا عطتني سود الأيام.. ميعاد

مابين واصله الظنون.. وقطوعي

خليتني بموادعك.. ظامي مراد
------------------------------------------------

بامتع عيوني.. بشوفة عيونك

أخاف من يوم أجي فيه ما ألقاك
---------------------------------------

محبتك في فؤادي مالها آخر

مهما افترقنا وغبت أنت عن أنظاره

أنت حياتي ويومي وأمسي وباكر

وانت المطر والشجر زالشمس وأقماره

[Matilda]

كلمات واحاسيس رائعة تسلم اخي

[أطياف]

أبيات جميله ومعبره عاشت الايادي

[علي الازيرجاوي]

اجيك بلهفة واتعنة وهملك
ولتضن يوم املنك وهملك
اذا ضنيت متاكد وهملك
لان ميصح مترهم صافي نية

ورد قداح اهديلك وجوري
وريدن ضيمي احجيلك وجوري
مرجو والعشك كمل وجوري
وشبة بركان حبك صار بية

انا الصياد وصادتني شبكتك
دخيل الله شكثر حلوه شبكتك
ادك عليك مشغولة شبكتك
كتلك بالجذب بس رمش علية

اخذ يمك گلبنه و بي تهنه
و اكل من زاد روحي و بي تهنه
حبيبي انت اهلنه و بيت اهلنه
و اعز من الاهل طلتك عليه

أبطن الحوت يونس ونته بيهة
المحاسن نسل منك ونته بيهة
لا تحرك مهجــتـي ونته بيهة
خوفي عليك مو خوفي عــلـية

عليه انشد ياصاحب بعد مابي
وجفن عيوني وشل دمع مابي
اذا تنساني شلي بعمري مابي
شسوي بعمري اذا رحت من اديه

حرت ليهسه احبك هل لساني
وكل ميهل دليلي هل لساني
هلس ولله غيابك هلساني
وصفه جلد وعضم ساتر عليه



احجي شما ردت تحجي علي كول
اصيل وما اهم انة عل يكول
جنت هداف شو جابو علي كول
وخسارة عشرتك شوطين هية

يروحي اتمعني ابوكتج وجربيه
وينشدني الوكت جم نوب واجربيه
ان جان الملح بيه حوبه واجربيه
اشعجب ملحي انكلب ضدي عليه

العشك موعيب بي رخصة وذن بي
وذنب الكلب موذنبج وذنبي
الكلب بي عين بي شفة وذن بي
شافج واستمعلج صاح هيه



ابيك آنة وابد ماكول.. مابيك
يل كلك محنة وشين .. مابيك
غبت عني واكول شبيك .. مابيك
من اغيبن هم يظل بالك عليه

احلى من العسل ياناس شفته
وبشارعنه العصر يتمشه شفته
هم يجي يوم اخلي شفتي على شفته
بعدها والله اتمنى المنيه..


وسفه الدهر شتتكم وطركم
حسافه ماكضه منهم وطركم
بذجركم هذا انه اهذي وطركم
يعيد الله شتتكم جمع ليه


زماني جرد اسيوفه وسنهه
عليه اوحرمت عيني وسنهه
وحق اللي فرض خمسه وسنهه
بعد هيهات عيش ايصير اليه


حبيبي دك بذرعانه ولجتاف
بضلعي جاسي اللبي ولجتاف
رضينه بحبس دندوشه ولجتاف
وهي سجاني وتفتر عليه


مر ولفي ايهبتني ومره هبته
ومره اوصلت يمه مره هبته
طحت مقدر يصاحب مره هبته
اسد يخسه الاسد ملقاه اليه


ابنار الهجر يامهجه دموعاي
على مصابي السمه يمطر دموعاي
اشما هلن يدندوشه دموعاي
حسناتج تبدل بالف سيه


سريتوا بالضعن ياترف هاوين
جفيتوني ولعند الغير هاوين
هاميت يحلو الطول هاوين
حياتي والنظر اقبالك عليه


وحم الالف واللامين والها
روحي بهوى ساهي العين ولها
لها ثغر وجبين وعين والها
خذ شبه البدر لو سطع ضيه


من مثلي دمع عيني يهلهه
سبب غالب على روحي يهلهه
وعلي تحيولكم ميت يهلهه
من تبدي ترد الروح اليه


حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه


وحك آية عصا موسى وسينا
الك حثت رجايبنه وسينا
الك حسن النبي يوسف وسينا
الي والنور الك والنار اليه


يحادي روعت قلبي بلحداي
يخايب لفني وياهم بلحداي
اون طول الدهر حتى بلحدي
على الساروا وخلوني شجيه


كل مغرم برت علته وناله
سعيد اللي حضه بشخصك وناله
الطارش من سمع نوحي وناله
ترك شغله وبجه رحمه عليه


الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه


روحي والهوى ودنياي وعداي
علي وشلون اشيل الجدم وعداي
صابر وانتظر واشوف وعداي
ابفرح لو دوم وكتي محيط بيه


ابكثر مانوح ملوني يراني
طحت والشامت ابعينه يراني
يخوتي السبع من جسمي يراني
اكبال اهلي وعمامي اتشوف هيه


اف من زماني اه منه
على اللي عشرتي وياه منه
اكله الدرب هذا يكول منه
اكله فوت بيه يرد عليه


دمه دمع البيابي سال وانهات
عليك اكضي العمر حسرات وانهات
بهواك انه اعذلتني الناس وانهات
ما خذني الهوه غصبن عليه



المصايب بس على روحي تلافت
يقلبي اعله النكر طيبك تلافت
اون وعطامي بهجرك تلافت
طريح وساد دوب النفس بيه



عفاني جيف الى مهجه ولي روح
اداري بالعلل كلها ولي روح
ماني بحال من يبكه ولي روح
ابحالك يالقطعت الوصل بيه



روحي مشت وياهم وهامت
على الما بينت منهم وهامت
اجفوف اعليك اطيرها وهامت
واخلي ادموم تجري اعلى الوطيه



تهت محد من احباب علي شار
ينجيني الذي شمسه علي شار
حجيت المصلحه طلعت على شار
رجيت الغانمه صارت رديه



هذا اللي لعند اعضاي هد هد
ملهي وابد ماينصاد هد هد
اكله اقرب يقلي ليك هد هد
ارفع مشتهاك اشتظن بيه



ناحل وامشي امكابر تراني
اجلد خاف عدواني تراني
تاره الموت يدهاني تراني
اصحه من يمر شامت عليه



قوم انصب يصاحب ماتم النه
على الوياه ليله ماتم إلنه
لون الرجل يملك ماتمنه
مهو بالهون فركاهم عليه



يصاحب لو تشوف اشلون كتماي
على عيوني ويسح الدمع كتماي
اشما اقل للروح سر الهوه كتماي
تحن وتهيج الساكن عليه



تظن انساك وانته الروح واسلاك
سبب مايوم مني انقطع وسلاك
أعيش آنه عقب فرقاك وسلاك
معافي والوشاة أعملوا بيه



هذا البيه كنتم لايميني
وعذر مافاد بيكم لايميني
لو تكتف يساري وي يميني
هذاك انه الهوى غالب عليه



اشمالك يازماني علي صليت
ابنار وحمسيت اجلاي صليت
مثل ماصلت ام عمران صليت
فنكحني الهوه وذبني بنويه



مدري لاتناشدني على احشاي
بجيت وصب دمع عيني على حشاي
تبعت الضعن وكفوفي على حشاي
إشما مال الضعن روحي إتميل بيه



أنام وشوك محبوبي يعاني
افز مرعوب واتخيل يعاني
هلي الدمع مرخوصه يعاني
على اللي بالوصل شحوا عليه



نصحته اولا نفع وياه نصحاي
سكاره احنه بهواه مابعد نصحاي
جفاني وصرت نصي ميت نصحاي
نحيل ولا اثر نكاد بيه



وحق التعبده شيعه وسنه
ذوله الحرموا نومي وسنه
عليك اسيوف جردنه وسنه
علمك يلعبدت اشميت هيه



اعذرني والوكت عنك لهاني
بعزاك الزاد الي ابدا لهاني
تفر من البدن روحي لهاني
بسبب ماشالت التابوت هيه





تحياتي

ان شاء الله تنال اعجاب الجميع

[المحامي احمد التميمي]

رووووووووووووووووووعة
مشكور

[Eng.Noor]

شعر جميل شكرا لك
بانتظار جديدك

[علي الازيرجاوي]

نعود اليكم باجمل باقة من الابوذيات العراقية المميزةما ضوكني الوكت حلو بس مر
لاتبعد هواي خايب بس مر
حبيبي كبال عيني يبس مر
مو علة الناس كاعد ايبسمر علية

اليطب بحر الهوى اشحدة وفنة
صعب ما ينفهم درسة وفنــــــة
النسا ما عاشرن واحد وفنــــة
يجازيهن بمعروف يردنة بردية

تـرى حبـك رقـم واحـد تسلسـل
ومحبتـك تمـرد بـروحـي تسـل سـل
أذا حبيـت تتـأكـد تسـل سـل
غلاتك بالكلب أطنان هيه

مثـل سـاعـه يـدكلـه النبـض تـك تـك
وتقسـم كلبـي ألـه يـانـاس تـك تـك
حبـك صـار سنيـن أخططلـه وتـك تـك
بلكي بيوم تصفى أنت اليه

حرتشكتب بخط القلم شملي
واريد وياك مانفترك شملي
يهل رايح البيت الولف شم لي
اخدوده ومن تعود انفخ عليه

ثكيل الحمل خوية وانتخينة
وزامطنة بلبنة وانتخينة
شعجب تنكر خويتك وانتخينة
الف وسفة على خية الباع اخية


عنك لا تضن غافل وناسي
وفرحتي بشوفتك صارت وناسي
الك كلبي ونضر عيني وناسي
بس شوفتك ترد الروح ليه


كضه يوومي بحزن وانتظر .. غادي
وعليك القلب مثل النار .. غادي
باجر من يصير حساب .. غادي
شتكل لألله على السويته بيه

شكاني الدهر من فركاك بس مر
واشهد ما شفت من دنياك بس مر
رمش عيني افرشة ابصاط بس مر
ترد الروح من تسئل علية

ذبت وبشوك حبك مايعاني
ويعاني القلب منك ما يعاني
ولون تعطش سكيتك ماي عيناي
والك هروح اقدمه هديه

جبل ما يوم بوصالك تواسيل
لجن من ضيم البكلبه توا سل
عيشه وصارت بدونك تواسيل
ادفعهه وتذب همهه عليه

يصاحب ليش خوتكم ضعيفة
يمن تدرون بحوالي ضعيفة
جهازي اليوم تغطيتة ضعيفة
انا بياحال وترمش علية

حبيب الشوك لا تكطع وصالة
الك بالكلب جم غرفة وصالة
نجوة تروحلك فدوة واصالة
وياهن لطيفة التونسية

من فركاك نهر دمع صبيت
الك تمثال وسط الكلب صبيت
اصب الجاي وكلاصين صبيت
حسبتك كاعد ونشرب سوية

قلبي مارغب عنك ولا حب
ولافكر يحب غيرك ولاحب
مريض اني وما اريد ابرة ولاحب
بس شوفتك ترد الروح بيه

اصيلة الروح تنشد من خيالي
وفز مرات خايف من خيالي
اشكثر حاولت احذفك من خيالي
خيالي انحذف وانت الباقي بيه

احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية

حسن يوسف اظنه منجمالك
هويتك من هواتي منجه مالك
انا ما طامع بوحده منجمالك
ان طامع بيك شو تبخل عليه

جري ابدمي ودادك وانتقل بي
و صرت انت حياتي و انتقلبي
هذا ان وغرامي وانت قل بي
مسودن لو جنون البيه بيه

الغيرك مايسل دمعي والك سال
وعليك الكلب ماتدري ولك سل
يخايب يوم عن حالي ولك سال
تركتني وما دريت اشصار بيه

جرى دمعي على خدي مراحل
وبعده حبك بدلالي ما راحل
اذا ناوي على الهجر ابدي مراحل
مو فجأة وتسد بابك عليه

نصي غرك بحر حبك ونص طاف
ونصي اشتعل بنار هجرك ونص طاف
اتمنى ترجع المدرسه ونص طف
لأبدلك بالعلم وأخذلك تحيه

صغار لاموني بحبك ولكبار
كلبي متقي بحبك ولك بار
الك جامع بوسط كلبي والك بار
تصلي وتسكر وتخطب عليه

حبيبي العمر يركض مايتاني
واناالعطشان منك ماي اتاني
تعال اليوم ترى باجر ميت اني
وبس شوفتك ترد الروح بية

ردت طيفك يلوح بيوم ما لاح
وطعم فركاك صار هواي مالح
بعد ما ادز رساله وما الح
لان كلما ادز مترد عليه

وحق الي خلق بالكونين ولاء
مثل عيون الغزاله عيون ولاء
امد ايدي عليها اتكول اوه لا
تأدب لا تمد ايدك عليه

عليه ما انكسر قلبك ولا حن
وعلامات الهجر بانا ولاحا
حبيبي بعد ما اكلك ارجعلي ولا حن
لان صدك رجعتك بيها أذيه

فرغ كلبي بحزن ياناس املاء
واسمك صار واجب علي املاء
احبك هل تحبني نعم ام لاء
عليك الله بنعم جاوب عليه

سفن شوكي مشت ببــــــــحور وانهار*
ونفذ حتى الصبر هالـــــــــــروح وانهار*
احن الشــــــــــوفتك كل ليل وانهار*
اشوفك وين واحجيــــــــــــلك البيـــــــــــه

احبك من الطفولة لحد مماتي
وضل وياك العمر كله لحد مماتي
اصيرنلك عبدالحي ومماتي
واتحدى علم دار يرفع سلاحة علية

الدنيا وياي تسري مسرى حية
ولك جفني بدونك مس رحية
صرت اني بغيابك مسرحية
وبلاش الناس تتفرج علية

والله تروح روحي من شفاتك
وانه المشتهي البوسه من شفاتك
مريض انت تذكر من شفيتك
مريض انه ولك الحك عليه

عيوني النوم اجاها ونته بيها
تعال اسمع صوت حزني ونته بيها
روحي انته امها ونته بيها
واغله من كلبي انته عليه

شمع شخصك شهب شعشع شمايل
شمع شايل شبه شامة شمايل
شمل شترك شجافيكم شمايل
شعوفنكم شمايلكم شجية

ألك ارفع علم حبي ورايه
وحذرك لا تحب أحد ورايه
وحك من أنزل القرآن آيه وره آيه
أضل أهواك لآخر نفس بيه

شعجب بطلت يلغالي تراسل
ودليلي بسبب فركاكم تره سل
عليك الصبح والمغرب تره اسأل
واكول اشغير الغالي عليه

روحي وياك ماأكطع وصلها
وافرح لو خبر منك وصلها
الخوة وياك معناها وصلها
لك انته النفس وتظل الروح بيه

الك نجمة وسط كلبي علم دار
تضل انت دومك علم علدار
غلاتك تسوة ميماتي وعلم دار
والسكندر يقدملك تحية

بعد ما اعدل بحبك واناصف
ولا بروحك أتشارك واناصف
بصف أنت بعيد أوكف واناصف
وأذا تنساني تتفضل علية

عن الحب والمودة مانتراجع
وخذلني هواي كلبي من تراجع
انا أستعجل عليمن منت راجع
ذليل وتعتذر وتبوس أديةنتمنى ان تنال رضاكمتابعونا هنا معاجمل الابوذيات العراقية