هنا

[أنثى حائرة]

السلام عليكم ورحمة وبركاته
حبايب تصدكون والله صارت بيه فوك 6 مرات شباب يكولون يريدون يخطبوني وتوصل كولش وامهم تحجي وياي وبعدين تخرب الشغله مااعرف وين الغلط والله مامسويه علاقه ويه اي احد منهم راسا ينطيني الرقم وتخابرني امه وبعدين يطلب مني اتعرف عليه اكثر اكوله بيت اهلي تندله روح اخطبني اني لاحظت بهذا وكتنا مايردون البنيه المؤدبه والخلوقه وطيبه يريدون الي تلعب والله واني اكول حسبي الله ونعمه الوكيل على كل صدمه يصدموني بيه حرام اني بنيه ليش يعيشوني بحلم وبعدين يعوفون لان فقيره وماعندي سوالف تعبانه لو انتحر احسن ولا اعيش بين قلوب ناس ماتعرف الرحمة وكسر قلب انسان حبايبي وين السبب بيه لو بيهم

[Ćat]

يعني هو من ينطيج الرقم مو شرط رايد يلعب،، يمكن رايد يتعرف عليج اكثر ، خوما يجي يخطبج وهو ما يعرف انتِ شنو..
من ينطيج الرقم وراساً تكولين له روح اخطبني شي طبيعي مـيخطبج-_- ويعوفج هو شيعرف عنج ؟

الخلل مو بيهم ،، ولا بيج، بس صيري مرنه اكثر وحاولي تتعرفين عليه وتعرفين نفسج قبل لتكولين له تعال اخطب.

بالتوفيق❤

[أميرة الحب]

وعليكم السلام ورحمة .
حبيبي خلي بالج كلشي يبدي من وين ينتهي من نفس المكان .غلط تاخذين رقم وتتصلين .هوه يسئل عنج يتقدملج اكو فتره خطوبه تتعرفون على بعض .مو من تلفون تعال اخطبني وين حتى بدول الغربيه ماكو هيج شي . لا كل واحد يطيج رقم تاخذين مو كل اصابعج سوه ونيات مو كله سوه .

[أغرد بهمس]

ماادري شنو اكول
بس هوة الينطيج الرقم ينطي لعشرة غيرج
انت شويه خلي تفكيرج مرن
الحب ميحدده زمان ولامكان
بس ع رقم ممكن هواي يفشل
احتمال ينعجب بشكلج بس متتفاهمون من تتعرفون ع بعض
الدنيا مو بس حب وزواج
هواي اشياء اهم
لاتكرسين كل حياتج لهالشي
الله يوفقج ويرزقج ع كد نيتج

[Exit]

ممكن تكون مجرد صدفة
كلشي قسمة ونصيب
مجرد سوء حظ مو اكثر

[نـايـا]

يا عزيزتي
الحرام انك تقبلين على نفسك ان تكوني ضحيه لهكذا شباب من يريدك بصدق يعرف كيف يدخل بتعفف ..ولا تجعلي من نفسك تجربة للأخرين

انا عتذر ان كان كلامي قاسي بعض الشيء لكن طلبك ان تعرفي السبب
ربي يسهل امرج

[fairy touch]

السلام عليكم ...
عزيزتي ...
اللي اعرفه اكو نوعين من الخطوبة و الزواج ...
اول نوع ، زواج الصالونات ..يعني العريس يجي عن طريق الاهل او الاصدقاء و المعارف ..و البنية توافق او ترفض .

الثاني ...الزواج اللي العريس يجي عن طريق تعارف مع البنت ..اما بدراسة او بدوام ...و غالباً هذا تكون بيه معرفة بين الطرفين بحكم الزمالة .

هسة انت من يانوع بيهم خطوبتك هذي؟!!!
لا هي من الاولى
و لا هي من الثانية

انت دتحاولين تخلطين الطريقين ..و لهذا دتفسد الطبخة ..
لا هو تقليدي و لا هو حب ...
و هذا الشي مستحيل ...
اني مدا اشجعك على العلاقات السيئة لا سمح الله ..
انت بنت عائلة و متريدين الغلط ..مو تمام ؟
اذن لازم تعرفين ماكو شي اسمه ربع غلط ...و نسويه صح ...
اللي تقبل تاخذ رقم تليفون شخص متعرفه ...رح تنطي رسالة انه هي مستعدة لعلاقة وية الشخص ..
و عادة ًً اللي ينطي رقمه لوحدة هو ميعرفها ..هذا ما جاي ديتزوج ..و لا رح يصير اكو خرق لهذي القاعدة ..فلا اتعبين نفسچ.

انتظري قسمة زينة عن طريق الاهل ...و الله يوفقچ.

[عضوية57049]

والله الحرام انو احنا توقعاتنا عالية بالشباب
و هم ربع التوقعات م يحققوها لأنهم يبقون بشر


الكلام الفوكاي هو الصحيح ، و مرة ثانية لتتوقعين شي من الطرف الاخر

[Samer]

مرحبا

المشكلة مجتمعنا متناقض (كاي مجتمع شرقي) .. لا هو اسلامي على وجه، .. ولا هو غربي على وجه، على اي حال مو عيب انه البنت تحجي مع ولد سواء بالتلفون او غيره، .. بس العلاقة الصحيحة اللي تؤدي للزواج غالبا تكون الها محدداتها. لازم يبين الجانب الحسن (الشفاف) اللي يدفع الشاب انه يفكر بالقضية بجدية، ولازم يتم تحاشي آثار المجتمع قدر الامكان، ولازم عدم اعطاء الثقة المطلقة قدر الامكان، لازم اللي تحجيه بالتلفون او ترسليه بوسائل التواصل ما تخافين انه يجي يوم وتعرفين انه اكو طرف ثالث يعرف بيه او شايفه او سامعه .. و بالنهاية التوكل على الله هو مفتاح النجاح بكل مجالات الحياة

[dr.Nafes]

ياروحي انتي شتترجين من واحد يشمرلج رقم اكيد شامره لغيرج الف وحده فلاتتوقعين يحبج ويريد يخطبج ..مبين عليج على فطرتج انتي ..ياحبيبتي صيري شخصيه قويه ولتنهزمين بسرعه والي كاتبه الج ربي هو الراح يصير ولاتقبلين رقم اي احد اليردج خلي يجيج من باب بيتكم بكل أدب واحترام ..وبوقتها تحسين انو الج قيمه وشخصيه واجه بكل قناعه يزوج وحده رزنه ومؤدبه وتحافظ عليه وعلى اهله بعد يومين ويفتخر بيج ..سوري للاطاله واخاف زعلتج بدون قصدي بمحبه لااكثر الله يوفقج يعمري وينطيج على گد نياتج