_
ابيش اكاسر غيبتك واجرع صفنتي
لا خرابه تريدني تچمل حزنهه
ولا اكو سچه تريد تاخذني سفر
وين اروح وليش اروح
شما يدور الريل مسجون على گاع
الصوت لو سافر رسايل
يثگل بچتفة المتاع
شثگلتني بغيبتك شو روحي هدلت
شماخذ بفرگاك مني الدنيا فرغت
انه مو معصوم حتى انته بلوتي
ولا انه كاهن وبقداسة انتظر موتي
انه كافر
صبري حده اخر تعال
الحملت بضعون صوتي
ردلي شوف الشته حط خلگه ويه عيني
ومن اريد انساك ويه الريح صوتك يعتنيني
آخ فيضت العمر ظلمة على ميت
يا صبح يندل يجيني
بظهرك اركض هرش يالطينك سنيني
الماظگتهن راحوا يعيشون بيك
السكته بس ينجاب طاريهه تموت
عمري سكته شلون اجيك
حالي مثل الگظه عمره گبال حيطان السجن
يرسمله باب
ما اجيت وصار عندي الطير رب
الليله وحشه
وكل نظر عيني مشه ينفه خطوتك
انخى بالصفنات هلبت بيهه صوتك
كون خايف الله بيه چا شلتني
بعينك متاع واگولن ما عفتني
اي بچيتك للعطش يالصحرتني
المن اشكي يالسمارك حمل بلوني وخذاه
.
رد مع اقتباس
