اريدك كَمرة تضوي الروح
واتحدِّر مشاحيف الحلم بالروح
واجيك ابحسبه حداري
وارد بين الكَصب مشحوف
ويطكَـ مني الضمير اشراع
للوادم سفر
اولعيونك امر بين القوافي صور
مطر
مطر
زراكَك يلتم ابروحي اويظل جيسة برد للصيف
ترس روحي العطش والملكَة صبح وطيف
اريدك
وابنومي تفيض ادموع
ولو حزني ثجيل او ما تبرده ادموع
موكَلبي عراق التنبض انهاره حزن واشموع
او تلمع عالقميص ادموع
واحزن
يضحك الصفصاف
ولك حزني ظلام او لادرب ينشاف
أخاف
أخاف
أخافن حتى من روحي
انه بلياك
اركَص
يركَص اخيالي لهب عالكَاع
اكَعد
يشهكَـ اخيالي علي ابساع
واسولف للظلام
هناك
يلمع للحجي وايموع
.
رد مع اقتباس
