اليمس خد الورد كفارته يزرع حديقه
واليصافح جف جراده منين ماكان انتمائه وانتماءات الجراده فهو باطل
ديه يدفع لسنابل حرك كونية مناجل
اليمس خد الورد كفارته يزرع حديقه
واليصافح جف جراده منين ماكان انتمائه وانتماءات الجراده فهو باطل
ديه يدفع لسنابل حرك كونية مناجل
آثم اليصنع مخدة نوم من ريش الحمام
نوفل الصافي
دليني عـلى عيونك
اسافرلك كحل ملهوف
ريل بسچة جفونك
اجيك وصوغة اليشتاگ
دمعة وكلمة شلونك ..
م
نيتي عدله ..
والله يدري شگد نظيف
الخطوه من امشيهه تطلع مسطرة
جبت عمري محزم واشتل ورود
وخلصت ماي الورد عالمگبرة .
م
مـشه بيـه العمر..حزن ومحنه وشوگ.؟
ورافكت شكثر بس مـا لكيت البير .؟
اسـولفهن ستر ..!
وأسمعهن امفرعــات .؟
وين ألــگـه اليضم احجايت الغیر؟؟
م
اذا جرحك يلجمه المـنك وبيك
بعد عالغـربه لـتذب الــملامـه !!
م
شجاك وبس حزن تكتب على جروحك
ومنو اليسوه وعليمن تنزل دموعك
وعلى يا مال كلبك ينملي هموم
اذا مو هسه صدك باجر يعوفك
لتكلي احبه... هذا واقع حال
ولتكلي اعشقه سده موضوعك
هو بكل برود وتشوفه مرتاح
وانت النار تحركك وتاكل ضلوعك.
شوكت
يندگ علينه ويضحك الباب
ويترس بيتنه وصوتك يسرنه
وتَرد انتَ
ويجني الـ راحن وياك
وتجيبه وياك يالـ ماخذ عمرنه
الشبگ تنور أم حته ـ لو باقي أثر ـ
يعتبر طالب لجوء
الشهور الحرم عشره الباقي عيد..
أحمر الشفه غروب يفتح الليل
اعله موسيقى الجمال
والتيمم جائز ابكحلة عراقيه اصيله
العراقية الأصيله
الشدّت ايزار الحصار
وطبخت ابجدر الصبر لمن سجد..
يمها كلشي ابّالك ايصبّح حلال
العراقي ..الينحني ابنيّة وقوف ايعبـّرالجيل الوراه !!
