1_ لو فيه شعر فى بلاعة او حوض وانتى مش عايزة تبهدلى ايدك ولا تبهدلى الجونتى بتاع التنظيف او ترجعى تنظفيه هو وانتى قرفانة امسكي كيس من اليد بتاعته بايدك اليسار ودخلى ايدك اليمين جواه وامسكي بيها وهى جوة الكيس الشعر او ايا كان الشيء المقزز اللى مضايقك وبعدين شدي الكيس بايدك اليمين اللى ماسكة الشعر مثلا عليكي وايدك اليسار وديها بعيد يعني تقلبي الكيس فى الاخر الحاجات اللى انتى لمتيها هتبقى جوة الكيس وايدك انتى طلعت لبرة وتقفليه وترميه فى الباسكيت
2_لو نظفتى سمك وشيلتي التنظيف رمتيه والسمك عينتيه وكله تمام لكن الحوض ريحته زفرة قبل ما تنظفيه وانتى مضايقة رشي عليه منظف الاول
( انا باجيب داك بالجركن منظف ومعقم للمطبخ والحمام وللمسح كمان كل حاجة فى ضربة واحدة وارتاح من كتر المنظفات والبخاخات )
المنظف دا بيلمع الحوض جدا من ناحية ومن ناحية تانية بيضيع الريحة فبنظف وانا مش متضايقة وباستخدم سلكة صغيرة اغسل بيها الحوض وارميها علطول
3_ لما تكونى بتعملى كيك او اى معجنات وعجبنتى فى طبق بلاستيك او الحلة بتاعة العجان ولسة فيها عجينة سايلة ملزقة على الجدران بدل ما تحطيها فى الحوض وتمليها مية تبوش وتغسليها والدقيق ينزل يكتم البلاعة
هاتى رشة دقيق وحطيها فى قلبها وامسحي هتلاقى الدقيق شرب كل السوايل وفرك معاكى وينظفلك الحلة خالص ويادوب على الغسل العادى
4_ لما تيجي تقورى محشي بتكونى محضرة طبق او شيء تنزلى فيه التقوير اللى هترميه ...... لبسي الطبق دا كيس وقورى براحتك وفى الاخر هتربطي الكيس وترميه ويفضل الطبق نظيف زى ما هو
5_لو بتقلى حاجة ونسيتي الزيت دخن جامد وهيدخل على الغرف وعلى اطفالك ودا طبعا صحيا غلط جدا جدا هاتى بخاخة فيها مية وارفعى ايدك فوق ورشي بيها كتير الدخان اللى معبأ بزيت دا هيقل كتيييييير جدا عن الاول ان شاء الله
6_ خللى حاجة كل شيء جنب الشيء , يعني حاجة تنظيف حوض الوش تحتيه من ليفة او سلك الى زجاجة او بخاخة تنظيف وممكن تعلقيهم اما على علاقة او مسمار مختفى تحت الحوض
وحاجة تنظيف التواليت جنبه برده وقتها صدقيني هتفرق معاكى كتير لان ما تعرفيش نفسيتنا بتتحكم فينا بشكل عجيب وطبعا لو انتى تعبانة او كسلانة ودخلتى الحمام اعزكم الله فى اى وقت سهل اوى اول ما تقومى تشدي السيفون وبعدين تاخدى الفرشة والمنظف اللى متعلقين جنبك وتنظفى علطول
رد مع اقتباس
...
