لميت الحجي وذبت امتوني الـ آخ
لميت الحجي
وذبت امتوني الـ آخ
وتشابكَنة ابدمعنة الجايبة الموعد
وعرفت اعيونك اتحبني
وكَلت مو عيب
وعرفت اعيونك اتحبني وكَلت مو عيب
حلات اليحب خلة ايكَابله ويكَعد
ومن عدها وكرهت الورد جي جواي
وحبيت الكَبر جي اموت متمدد
بيك اتعلكَت مارايد الحيطان
بيك اتعلكَت مارايد الحيطان
المري اتكَابل اوجوه اهواي من تلبد
وأحن
واحن للجان يمك لمن اتمناك
وأحن للكَال جان ابشعرك أيغرد
واحن لعيونك .. وطولك .. واحن لليل
هذاك الجان ينثر كَذلتك ويشد
وأحن ؟
وأحن لمك هذيج الجانت اتحاجيك
واتكَلك ييمه المايمر ....... ينشد
وأحن لآخر جرح ... والمشكلة الشمات
المنك بيك مثل الميل من ايعد
غير اموالفك حا كَلبي ليش اوياك
غير اموالفك حا كَلبي ليش اوياك
ليش اشما يذكرك كَبل جدمي أيهد
وليش ايدك لمن تتأخر اعله النوم
وليش الماله روج مايركد
لاحن روحي
لاحن روحي كلهن من كطعت وياي
والشلونك ... ظرف للماله خل ايرد
واندليت جرحي وذاك ذاك الشوكَـ
اشما تفاحك ايحل مات لآدم ند
اشما اكَولن هلا ... ايكيف بشفتي الهيل
وابن ذابح المطفل بالرموش ايحد
وتجي لمعة اعيونك واشتهي امناغاك
وأبلل ريجي هااااا ... وبخشن لوني ابرد
حبني
حبني .. اشتاكَـ الي .. دللني الوكَـ اعليك
حب خيرك
حب خيرك تره الكَطعان مو للود
حب خيرك ترة المو دوم ماينعاف
حبـنـي
حبني اليشتهي الناعور يبقة ايكد
حبني
حبني المالة بالكَيعان ماي .. ايموت
ماتنقبل نيته العاش متردد
ماتنقبل نيته العاش متردد
رد مع اقتباس
... دايم
المشاركة الأصلية كتبت بواسطة هيثم الغراوي
