مو متعافي
مو متعافي
بس هيج ابگفاي من امشي اخلي امرايتي
وهيه هيج الوادم الما تشتهيني
تعطش من احچايتي
وهيه هيج من الگه ذنبي ابراسي يفتر اشتهي امصلايتي
وهاي هيه من اختنگ ماعندي غير الزم اذيال اولايتي
ومدري ليش الماي من يزهگ ابروحه الطين وجهه ايسومر
وانه كلش استحي من الله من اسولف مدري ليش
وبيهه ناس اهواي من يكبر ذنبهه اتصفگ الشيطانهه
وبيهه ناس اهواي تلگه السالفه المره اعله طرف السانهه
وهيه كلهه اتريد تلگه سالفة يوسف واخوته اتلثگ ابقمصانهه
ومدري ليش الشمعه من يخلص عمرهه اهواي تعرگ
ولا كل باب يرخه ابساع من يندگ
والحچايه المااسولفهه ابوكتهه
لو تبات ابحلگلي تعتگ
وهيه هيج امنية الغرگان مايتغسل
وموحلوه اليذم الغيم
ويسولف حچي مبلل
وهيه مدري اشلونهه الضحكه الچذب
واخ لو اعرف شكو ابراسي ذنب
ومدري ليش السالفه المابيهه شاهد تختنگ
اهواي وادم موش ترفه من الله مو مالة عشگ
محمد العقابي
رد مع اقتباس
