جم طور بغيابك من رحت غنيت
عايش من أعد حاسبلي شوك اسنين
على كد الفرح ملكاك كدرته
مايلاح جنحي وكلبي عايش طير
تايه من اجاك وخالي رجعته
اجي بشوغة جرح وتكلي مامجروح
لجن شديت جرحي وبيدي خيطته
جم طور بغيابك من رحت غنيت
ولحن من البلابل روحي عازفته
شدني بخاطرك شدت شعر منثور
واحسبني كصيبة الحسرة ظافرته
اليسئلني عليك العبرة تخنك روح
تصعد للكمر وتموت منزلته
خلك باب بحنينك من رحت مسدود
صبر ما عندي لكن خلكي طولته
سئل عنة الوفة وماجاوبت مخنوك
عذب درب السفر هجران ماكلته
يمته انا أقتنع واللهفة بيه اتروح
حتى أقنع اظنوني الما مكفرته
ادور بالزوايا بكل ركن موجود
يمر عطرك شمالي وما تنفسته
أفسر الماعرف معنى اليحب إنسان
وانه شو كي النوارس ما مفسرته
واجي مضيع ولف ودموعي فزعة شيخ
من يسمع دخيل الناس كاتلته
ترتاح بوكت ماتلكة بيه أحلام
من تسمع النسمة الما مفززته
عايش من أعد حاسبلي ذكرى وياك
وانه وياك العمر يومين ماعشته....
للشاعر قيس الدفاعي
رد مع اقتباس
