السلام عليكم: من كنت صف سادس أدبي بامتحانات نصف السنة تحديداً امتحان التاريخ، اللي كان موعده (19 /1 / 2009) بقيت أقرأ باليوم القبله (كان جمعة) حتى أجاوب زين يومها سهرت لوقت متأخر من الليل، المهم نمت كم ساعة وكعدت مستعجل بسرعة بدلت ملابسي وطلعت أدك الباب على جيراني وصديقي عمار حتى نروح للامتحان سوياً بس عمار ما فتح الباب وتأخرت، رجعت للبيت بسرعة كعدت والدي وطلبت منه يوصلني للإعدادية [لأن ما أكدر أروح وحدي] وبالطريق ما أسولف لكم عالسرعة اللي مشيت بيهة، وصلت للمدرسة شافني المدير كلّي (تفضل وليدي حسن هنا رح تمتحن بس نصيح مدرس يكتبلك)، ورة شوية اجاني مدرّس التاريخ كلّي (ها حسن شتسوي هنا؟) كتله (أستاذ أنتظر مدرّس يكتبلي) كلّي (ارجع للبيت اليوم مو امتحانكم باجر الامتحان) سألته (شلون أستاذ اليوم مو 19 / 1 ؟) جاوبني (لا اليوم 18 باجر 19 انت مخربط بالجدول)، هم زين والدي كان بعده موجود رجّعني وياه لو كان رايح كنت لازم أنتظر ساعتين لحد ما طالب من صف خامس اعدادي يخلص امتحانه ويرجعني.
رد مع اقتباس
المشاركة الأصلية كتبت بواسطة a_hakeem
