يالجدامك فخر لو لاحت الكاع…
وبين الناس حكهه الكاع تتباهه…
انت الجندي تربات الوطن حياك…
غذاك المرجله ومعروف معناهه…
بأيام المحن تصعد الغيره البيك
ماتتخلى عن ارضك وتنساهه…
مثل الليث للمعركة من تفوت…
صفات الوفه كلهن بيك نلكاهه…
يجندينه العراقي وجيشنه المغوار…
حي الله هويتك والله حياهه…
...............…………………………… …
ياسور الوطن والوطن بحماك…
ناداك الوطن وبسرعه لبيته…
عراقي وحب عراقك بيك مزروع…
ونطاق الغيره فوك النجم شديته…
من تصعد حميتك ترعب الموت…
انت ابن العراقي العالي ظل صيته…
ابسوح المعارك اسد نلكاك…
علم واسمك علم بالذهب خطيته…
بقلم
ضحى البلداوية
رد مع اقتباس
