هنا

[نغمة على وتر♫]

السلام عليكم ورحمة الله وبركاته

طبعا قبل ايام جنت طالعه مع زوجي وجانت الدنيا ليل شفنه بالشارع كلب مجروح وكلب لاخ يريد يجره على الرصيف

اني لاارادي كمت ابجي كلت الزوجي اوكف واسحبه للرصيف خطيه كال شلون اوكف مناه السيارات وهمين شلون اسحبه وسخ

طبعا مااحجيلكم على شده الالم الي جانت جوايه




اولا على المنظر الي يقهر وثانيا على تصرف الكلب وشلون باقي بنص الشارع ميعوف صديقه
ويجيك واحد يكلك الحيوان ماعنده عقل اصلا احنه الي ماعدنه عقل صراحه اكولها مااشمل الكل بكلامي
بس اتحدث عن نسبه هوايه من الناس الي ضاعت من عدهم سمات الرحم والحنيه ومخافة الله
ابسط شي اكو نسبه معينه من الناس اذا يشوفون سياره مقلوبه او واحد مجروح او صايره فد حادثه معينه
كبل لو ياخذ سيلفي لو ينقذه علمود بعدين يتباهى بهالسالفه بالفيس او الانستغرام
مثال على هذا الشي
تذكرون اكو ظاهره صارت علمود البنيه مااعرف من يادوله منزله صوره عامل يباوع على طقم ذهب
وهيج كاتبه شوفوها






وراها اجه شخص كال هتبرع للعامل بالطقم الي جان يباوع عليه



هالشي حلو منه بس بعدين كمت احس الشغله علمود الشهره لااكثر ولااقل
نزله بالانستغرام وشلون مستلم الطقم منه وشلون سوه خير هو
الي اعرفه الي يريد يسوي خير يسويه بسكوت وبهدوء كون الايد اليسرى متعرف شنطت الايد اليمنى لو اني غلطانه

والله على المناظر الي اشوفها سواء بالعراق او بالعالم اتشرف اكون كلبه واكولها بصراحه

وبكلامي هذا مااقصد الكل لان ان خليت قلبت

وشكرا جزيلا الكم

الموضوع قابل للنقاش وللنقد

[dr.Nafes]

اعمل بصمت ودع عملك يتكلم ...هاي المقوله دوم ماما دكولياها وفعلا اطبقها بسكوت حتى ماحسس الغير بانو اني فد شي لا اني انسانه بسيطه احب اساعد غيري بمحبه وليست شفقه مني لان يجوز بعد يومين انحط بهيج ضروف قاسيه واكو بيهم كرامتهم متسمح الهم يتقبلون هلشي ..موضوعج حلو والاحلى انتي .. يسلمو ام قموره

[KASSAR]

والله يا خيتي احنه العراقيين كلنه نخوه وغيره بس من اجه احتلال تغيرت النفوس وغير كل شي .. اي نعم اكو ناس طيبين يمشون باصلهم بس قليل

['ۦ، Maryam]

هو احنه هسه بزمن الشكليات
ف هيج اشاء صارت عاديه، هواي من يسوون هيج شغلات مرائين وأهدافهم مثل ماا گلتي الشهره او يبين للناس انو هو خيّر وبالك عني، ف يعني شحجي شكول بهذا الموضوع
كلهه تعرفه والأعمال بالنيات مو كلمن عرض اعماله معناتها هذا منافق، بالعكس شي حلو إذا جان بنيه صادقه حلو انو يگول للعالم اكو انسانيه باقيه

شكراً لطرحك الظريف حبيبتي

[ليديا]

تحية لك عزيزتي..

مرات يفضل السر بالصدقة و مرات الجهر أيضا مليح إذا أمن الشخص على نفسه من الرياء و التباهي... و لو الي يتباهى حتى لو قدام نفسه بس بينه وبين نفسه ممكن و ما يصح عمله...

ما أردت قوله إن إظهار الصدقة مرات يقود الناس للتقليد... كثير من الناس لديهم أموال ولا يعرفون ماذا يفعلون بها وكيف يتصدقون، فإن سمع أحدهم جاره هب لمساعدة جار آخر زوجته مريضة أو لديه اولاد كثر.. وجدته ياخذ مبلغا من المال ويقول له خذ ضف هذا معك..

اتذكر مرة كنت عند صائغي اكمل له فلوس قطعة ذهبية يقوم بصناعتها لي، واتصلت علي صديقتي تسألني عن بعض الأمور بخصوص حملة تبرع كنا نقوم بها، ابتعدت و ظللت اشرح لها، ويبدو أنه سمعني فما إن عدت و أنهيت معه شغلي قال لي انت في الجمعية الخيرية الفلانية، قلت له نعم.. سحب لفة كبيرة من المال و أعطاني اياها.. قلت له انتظر أعدها واسلمك وصلا بأنني استلمت منك هذا المبلغ وكنت احمل دفتر الوصلات معي لكنه رفض.. ولما شكرته.. قال لي لا تفعلي انا من يجب أن يشكرك وأحمد الله أن ساقك الي لأنني مشغول جدا وليس لي وقت لامحص من الأحق بهذا المال و هل وضعته فيما يرضي الله حقا و يفيد الناس ....

ما أردت قوله إن مساعدة الآخرين لا تأخذ منحى تخفيف المعاناة أو الألم أو وطأة الفقر
ولكنها تهذب نفوس، تربيها تعيدها إلى جادة الصواب.. تزرع الخير بين الأنام.. لأنه احد التنافس في الخير الذي حثنا عليه الإسلام ..

لو توقفت الحكاية عند البنت التي استهزأت ولم يصلنا خبر الرجل الذي تبرع
كيف سنبدو
كيف سيكون شكلنا

ببساطة سنشعر بالخزي
بالعار
بالمهانة

لكن الرجل بارك الله فيه انقذنا من ملحمة جلد الذات و تحقير النفس..
بسلوكه الشجاع و مبادرته الإيجابية

حجم المستهزئة بل قزمها

و تجاهلها الناس في صالح جميل صنيعه

فما أجمل أن نكمل الحكاية لاحبائنا على هذا النحو.. وليس فقط في منتصفها

سلمت وسلم قلبك الضارب على وتر الاحساس

و معذرة على الاطالة

[بركان حبك ياعلي]

الجهر مو دائما سيء اعتقد هذا شي يحفز الناس حتى تساهم بفعل الخير ونعم الإنسانيه هاي الأيام جاي تقل بس ما معدومه اكيد شكرا عالطرح

[Aabdullah]

كنت شاهد عيان للكثير من الحوادث المرورية.. ولا انسى ذلك اليوم الذي كان مأسويا عندما شاهدت حادثا مروريا على بعد امتار قليلة..
ما ان ركنت سيارتي وخلال ثواني معدودة حتى وجدت ما لا يقل عن 10 اشخاص يحاولون انقاذ المصابين .. بعظهم اتصل بالاسعاف والبعض الاخر نقل الجرحى بسيارته الخاصة واخر اهتم بقطع اسلاك الطاقة الكهربائية مخافة اشتعال الوقود.. كانت المشكلة في احدى السيارتين لانها مقفلة.. يا الله.. بعد الانتهاء من عملية الانقاذ.. ولو لم اكن احد المشاركين لم اكن لاصدق كيف قمنا بتقطيع ابواب السيارة لاخراج المصابين.. هذا كله بهمة الرجال والعمل الجماعي والقيم النبيلة التي يتحلى بها الاغلبية من ابناء بلدي..
وفي حوادث مماثلة احيانا لا نجد مكان لنشارك في تقديم اي مساعدة من كثرة المشاركين

نعم في كل مكان وزمان هناك اشخاص وجودهم غير ايجابي وقد يكون وجودهم سلبي ويعطي انطباع سيء لكنهم لا يمثلون الاغلبية..
حيث اسكن في احد اقضية محافظة البصرة لا يوجد ولا يتيم واحد من ايتام شهداء الشرف والعزة.. بدون كفالة... ربما يختلف هذا الجهد الخيري من مكان الى اخر، لكنه اختلاف نسبي وليس جذري.

شكرا لك

[د. حسن سعيد]

مساء الخير: ذكرتيني بمقال كتبه الدكتور عمار الحسيني عن وفاء الكلاب وفي النهاية طرح تساؤلاً (عندنا نحن البشر تعتبر كلمة كلب شتيمة يعاقب بالحبس أو الغرامة من ينعت بها غيره في قانون العقوبات ، تخيلو أن يكون للكلاب قانون عقوبات فماذا ستكون عقوبة الكلب الذي ينعت غيره ب(يا إنسان) ؟) ، مع الأسف أصبح الكثير من البشر أسوأ في أخلاقهم وتصرفاتهم من الكلاب مع اعتذاري من القارئ ، تحياتي لحضرتكِ.

[a_hakeem]

يحي اصلك الطيب وروحك وانسانيتك
هذه الكلمات الصادقة لها معان ودلالات كثيرة
لازالت الدنيا بخير بوجود امثالك
فشكرا من القلب لك

[حسن هاشم]

احسنتي فعلا واتفق معك في ذلك