الحمله الفرنسيه
الحملة الفرنسية على مصر استمرت تلات سنين (1798-1801) قام بيها نابوليون بونابارت .
المحتويات
1 تجهيز الحملة
1.1 احتلال مصر
1.2 الفشل العسكرى
2 نتايج الحمله
2.1 التأثير على المصريين
3 المراجع
تجهيز الحملة
فى 12 ابريل من سنة 1798 قررت حكومة من حكومات الثوره الفرنسيه انها تجهز لحملة عسكريه للسيطرة على مصر. القرار دا كان بسبب سيطره الانجليز على طريق راس الرجاء الصالح و خنقتهم على سفن الفرانسويين و عشان يعملوا طريق تجارى جديد الانجليز مش مسيطرين عليه و كمان عشان يقطعوا الطريق على الانجليز و هما فى طريقهم لمستعمراتهم فى الهند و ادت قيادة الحملة دى لنابوليون بونابارت. و جهزوا جيش و جابوا معاه مجموعه كبيره من العلما والمهندسين والجغرافيين، عشان يكتشفوا مصر اللى كانت وقتها لنسبه ليهم لغز كبير و اساطير عن التاريخ المصرى. و فى يوم 19 مايو 1798 اتحركت الحملة من مينا طولون شايله 35 الف عسكرى و علما و مهندسين و جغرافيين شايلهم 300 سفينه و بتحرسهم اسطول حربى فرنساوى بيتكون من 55 سفينه. فى السكة اسكندرية سيطرت الحملة على جزيرة مالطا من ايد فرسان القديس يوحنا, اللى بيعتبروا من اواخر الصليبيين اللى موجودين لسه.
== السيطرة
على اسكندرية ==
وصلت الحملة لاسكندرية و نجحوا فى احتلالها فى 2 يوليو 1798 بعد ما قاوم اهلها و حاكمها السيد محمد كريم جامد. و اعلن نابوليون انه جاه عشان يحرر المصريين من ظلم المماليك و العثمانيين. و وزع بيانات ان الحملة بتحترم المصريين و تقاليدهم و دينهم و حاول فى البيان دا يأثر على المصريين المسلمين بقوله انه سيطر على مالطا من الصليبيين اللى هناك عشان بينتقم من الحملات الصليبيه اللى استهدفت المسلمين و شجع اشاعات على انه مسلم و انه بيحترم الاسلام, بس اغلب المصريين فضلوا شاكين فيه و فى نواياه. و بعدين طلع ناحية القاهره عشان يسيطر عليها.
احتلال مصر
نابوليون واقف قدام ابو الهول
اتقدم الجيش الفرنساوى ناحية القاهرة و فى منطقة امبابة (موقعة الاهرامات) واجه المماليك العثمانليه بقيادة مراد بيه و اتهزم مماليك العثمانليه بسهولة عشان كانوا بواجهوا الفرانسويين بالسيوف و الخياله و الاسهم و الفرانسويين بيستعملوا ضدهم الرصاص و المدافع, دا كان بسبب ان مصر كانت معزوله عن العالم الخارجى و مش عارفيين ايه بيحصل فى العالم و ان الدنيا بتتطور و بتتغير. بس الفرنساويين اعجبوا بقوة و شجاعة المماليك بالرغم انهم خسروا.دخل نابوليون القاهرة فى 25 يوليو 1798 و بدأ على طول فى تشكيل مجلس من المشايخ لحكم المدينة و اصدر بيانات بيأكد فيها احترامه للمصريين و تقاليدهم و ديانتهم. و بدئت طموح نابليون انه من مصر حيبنى امبراطوريه كبيره فى الشرق.
الفشل العسكرى
معركة ابو قير البحريه اللى اتدمر فيها الاسطول الفرنسى بالكامل
فى الوقت اللى كان المصريين فيه بيقوموا بثورات ضد الفرنساويين اشهرهم هما ثورة القاهرة الاولى و ثورة القاهرة التانيه. حصلت معركة ابو قير البحريه اللى فيها قدر الأسطول البريطانى انه يدمر الأسطول الفرنساوى اللى كانت مهمته حماية سواحل مصر و بكدا اتقطعت خطوط الاتصال بين نابوليون فى مصر و فرنسا و بقى متحاصر على الارض. حاول نابوليون يكسر الحصار دا عن طريق عمل حملة فرنساوية تانية من مصر على سوريا و فلسطين بس الحملة فشلت هى كمان على الرغم من الانتصارات اللى حققها فى الاول بسبب المقاومة الي لقاها فى مدن الشام و خصوصا فى عكا و كمان بسبب مرض الطاعون و نقص الامدادات من مصر. وفى سنة 1799 ساب نابوليون مصر و رجع فرنسا و عين الجينيرال كليبر بداله حاكم لمصر و قائد للحملة كليبر فشل هو كمان فى انه يكسب ود الشعب المصرى و اخيرا مات مقتول على إيد طالب سورى كان بيدرس فى جامع الازهر اسمه سليمان الحلبى. بعد كليبر جاه الجنيرال مينو اللى أسلم و اتجوز واحدة مصرية من مدينة رشيد. استمر الانجليز مع العثمانيين فى الضغط على الفرنساويين عسكريا و سياسيا لحد ما استسلم الجينيرال مينو بعد معركة ابو قير البحرية و ساب مصر هو اللى اتبقى من جيشه فى سفن الأسطول البريطانى اللى وصلتهم لحد فرنسا. بس فضل عدد من الفرانسويين العساكر او اللى جم مع الحلمة لمصر قرروا انهم يفضلوا و يعيشوا مع المصريين و اتمصروا بعد كدا.
نتايج الحمله
للحملة الفرنسيه اربع نتايج اساسيه:
نتايج علميه
كانت مصر من عصور الوسطى للعصر الحديث.
فك رموز اللغة المصريه القديمه بعد ما ان الحملة اكتشفت حجر رشيد
نتايج اجتماعيه
خلت المصريين يفوقوا و يتعملوا مع العالم تانى.
صحت روح الوطنيه و القومية المصرية فى المصريين.
نتايج عسكرية
بالرغم من ان الحملة الفرنسية لم تحقق هدفها العسكري اللى اتت مصر لاجله، لكن تنم تحقيق عدة نتائج عسكرية من اهمها:
ان القوات العسكرية المصرية قد اتعلمت التنظيم خصوصا ان قيادة الجيش المصري كانت هزيلة و مهلهلة، و ظهرت على حقيقتها مع اول طلقة مدفع من الاعداء.
كمان المصريين اتعرفوا على اسلحة حديثة و جديدة، و بعد رحيل الحملة قدروا يجددوا اسلحتهم.
من اهم النتايج برضه، ان الحملة الفرنسية اثناء ماكانت فى مصر شيدت لنفسها شوية طوابي و قلاع على حدود اسكندرية و رشيد و القاهرة علشان تكون نقط عسكرية للحماية، و مع ان الطوابي دي اغلبها مهدم دلوقتى لكن المصريين اخدوا بالهم من النقط دي لأنها نقط عسكرية مميزة
نتايج سياسيه
الحملة الفرنسيه خلت العالم ياخد باله من موقع مصر الجغرافى و بدايه التفكير فى احتلال مصر, اول محاولة بعد الحملة كانت حملة فريزر اللى حصلت فى 19 سبتمبر 1807
خلت المصريين يحسوا انهم مختلفين عن اللى بيحكوموهم و ان كل المحتليين اللى جولهم سؤاء عرب او اتراك بيخدموا مصالحهم و بس وبيستغلوا مصر والمصريين.
التأثير على المصريين
من كتاب وصف مصر - Description de l'Egypte
سابت الحمله الفرنساويه تاثير مهم على مصر والمصريين. من اهم التاثيرات على المصريين انها صحت عندهم الاحساس الوطنى تانى و الاحساس بهويتهم المصريه اللى حاول العرب يمسحوه لما دخلو مصر. و كان من نتيجة صحيان الانتماء لمصر و الهويه المصريه ان المصريين هما اللى اختارو محمد على انه يكون هوا الحاكم على مصر لاول مره من بعد سنين طويله كان بيتفرض عليهم والى مالوش اى علاقه بمصر و ولا المصريين يعرفوه ولاعنده فكره عنهم و لاعن حياتهم و ثقافتهم الا لمجرد انه على علاقه (صحوبيه او قرابه او حتى مصالح ماديه صرف) مع الخليفه التركى العثمانى او اللى ماسكين شئون الخلافه و يبؤو مجبرين انهم يدعوله فى الجوامع و هما مش عايزينه. فكان صحيان الانتماء المصرى عند المصريين اللى حاول العرب يلغوه من اول لما احتلو مصر و اختارو محمد على لانهم حبوه و حسو فيه الاخلاص, فموقف المصريين مع محمد على خلى محمد على يشيل ده للمصريين و اشتغل باخلاص و ضمير لما بقى حاكم على مصر. انجاز اعادة الوعى و الهويه للمصريين على المستوى الانسانى و الوطنى كان اهم انجاز عملته الحمله. ييجى بعديه انجازات تانيه مهمه جدا فى حياة مصر و المصريين.
ان بدا التفكير فى قناه بحريه بتربط بين البحر المتوسط و البحر الاحمر وكان فيه دراسات للموضوع ووقفت الدراسات بتاعته(بسبب انهم كانو فاكرين ان مستوى ارتفاع المايه فى البحرين مختلف وبعدين طلع كلام مش مظبوط) لحد لما ديليسيبس اشتغل فيه تانى و ظهور قناة السويس.
ان العلما بتوع الحمله الفو موسوعة وصف مصر اللى بتعتبر اكبر موسوعة معاصرة سجلت جغرافيا و تاريخ و عادات و تقاليد وحتى موسيقى و اغاني المصريين فى المدن و القرى.
نابوليون انشأ المجمع العلمي المصري اللى بيعتبر اول مؤسسة علمية فى مصر الحديثة.
اكتشاف حجر رشيد و فك رموز الكتابة المصرية القديمة(الهيروغليفية)على ايد العالم شامبوليون اللى فتح عيون العالم على حضارة المصريين القدام و ولادة علم المصرولوجيا واللى خلى مصر بعد كده يبقى فيها سياحة اثار.
عمل صدمة حضارية للمصريين اللى احتكو لأول مرة بأوروبا بعد عصر التنوير و تبنيهم للنظم الادارية للفرنسيين زي سجلات الوفاة والمواليد و القانون المدني الفرنساوي و المحاكمات الحديثة و الجيش و الأسلحة الحديثة و قيم الحرية و الثورة اللى خلت المصريين لأول مرة يثورو على الوالي العثماني و يخلعوه و يعينوا مكانه محمد على باشا.
منقول
رد مع اقتباس
