هنا

[سعد العراقي راقي*]

سنتنه الجديده مثل سالفة حفيظه
(سالفه ورباطها)


اكو وحده اسمها (حفَيظه) الله يرحمها چانت
بكل عرس تلگاهه بالنص( تگول وتهوس وتردح ) حتى للوادم الي ماتعرفها!!!
ذاك اليوم صار عرس يمهم والناس حرگت الجو بالرمي
واجت حفيظه للعرس بس لاحس ولانفس...
النسوان.. گللها ها حفيظه.. شو اليوم ... .. لا هوسه...لاگوله من گولاتچ الحلوه! !!!گالتلهن غير كون أشوف العروس.. .حلوه.. موحلوه.. حتى أگول عليهه..
گللهه هاي العروس.. وتعالي شوفيهه...
راحت حفَيظه للعروس وشالت البرگع من وجها...ولگت العروس وحده چلحه ملحه عينوها مشگلبات!!!!
وطلعت حفَيظه (تخرط بخدودهه...)
وصارت بنص النسوان وهوست
( ماتسوه طجيج البوش والكلّه البنيناهه) !!!!
-------------------------
رباط السالفه
العراقيين حرگو الجو بالرمي والالعاب الناريه علمود السنه الجديده.. وكتبو 2017 سنة السلام بكل وسائل الاعلام
وتالي طلعت.. ماتسوه طجيج البوش والكله البنيناهه!!!!
ويستمر شريط احزاننا... ......
رحم الله شهدائنا الابرار.

ترجمة بعض المصطلحات الجلفيه الوارده اعلاه

البوش(ضرف الاطلاقه الفارغ وعبرو به عن رمي الاطلاقات)
الكله(قماش شفاش تتم خياطته على شكل مربع للوقايه من البعوض وهو من مستلزمات العروس سابقا)

[كراميلا]

والله يا سعد شكَلك الناس سباقين للامور بكل شي بس من هالناحية شي حلو التفائل تفائلو بالخير تجدوه
بس مشكلتنا العراقيين مكتوب علينا الحزن والتفائل مو صاحبنا
الله كريم تفرج متظل هالشكل

شكرا جزيلا على الموضوع الرائع

[سعد العراقي راقي*]

والله يا سعد شكَلك الناس سباقين للامور بكل شي بس من هالناحية شي حلو التفائل تفائلو بالخير تجدوه
بس مشكلتنا العراقيين مكتوب علينا الحزن والتفائل مو صاحبنا
الله كريم تفرج متظل هالشكل

شكرا جزيلا على الموضوع الرائع

الله كريم تفرج ان شاء الله
الشكر لطيب مرورك همس المشاعر
تشرفت

[Suzana]

هي حالها حال السنين اللي سبقتها بس احنا صار اهواي مافرحانين فجانت فرصة حتى يعبرون عن فرحهم وبنفس الوقت تفاؤل عسى ولعل اتكون افضل من سابقاتها..شكرا سعد