حسبتك جاي
حِسبتك جاي
خاويت السما والماي
ودوّرت الزراكَ بلُجّة الخمسين
يسنيني؟
يخمسيني؟
فداج الراح بس الليلة عينيني
افرشتهن , حيرة اللاجارة
لكَطْت: مكابر العثرات
نحّيت الظنون
المستحى
والشيب
ردتها اولام وي عمرك
وشكَد عيب
كَُصْـــرن
بوية شجابها لجمرك
رحْت اتداينت سنتين منّ اصباي
وهِجَسْتك جاي
طشّيتك عالمرايات
واتعذْرن
ياهي اللي تلم حسنك؟
هاي تكَول : لا،لا هاي
وكَفْت بْطولي وَي طولك
حضور وغيب
تِمايَزتك
اِعدلت شوفي اِعله شاماتك
دوزنت النِفَس
شوغة اعله شهكَاتك
درت روحي _بعد روحي
وجفوفي طفل_ يحبي_
على اْحميمات ثنياتك
يامثل الصدكَ،هزّيت كاروكك
واهتزيت
طحت، لنّـك
يَ ذاك الـ
الطيف
سراب
الـ
مامش
الـ
....... الـ خايب
الياهُوووووووووه
تعال
اِستاحشت
يل مشتهيك وْياي
وينــــــــــــك؟
جـــــــــــــاي؟
شريف سعود
رد مع اقتباس
