♥
الحب فلاحتي ومابگته من فلاح
والهذا السبب خسران بس مرتاح
مرات الخساره تردك التموز
وانته بنص شته وتحس رجيفك راح
عشگت انه التمر من شفته گش وزنود
استرخصت النخل من شفته عيط وطاح
اريدك تبعد اكثر مو قريب اتصير
لان طبع الهدف كل ماقرب ينلاح
گام الچدم يعثر مايعرف يدوس
من شده هدوئك يا ضوه الفانوس
ذوله الماخذينك خوش عدهم فوس
فلشوا حيلي وطاح ركن الهوه ويا
حتى النفس مرضوض ومفشخ الگاه
حسبالك نسيتك لا ابالي انته
يا مجنون هذا الينسه سالفته
طعم سوالفك طعم استكان الچاي
اليفوخ الراس ويستچن ونته
وجهك مبتعد بس المصيبه الطيف
من دون الخلگ لمن نمت شفته
وگتله شلون حالك صافيه النيه
ترا اني اختنگ وگت المغربيه
گام من النفس تستاحش الريه
خليني اسلم عليك لا يخلص الطيف
باچر شته ومبراد يا مگصره الصيف
هلك فگو ذرعهم للنوايا السود
ويم صوباتهم عنگود طگ عنگود
واچي يم بابكم وتصيح بيه الباب
ترا الفاگدله خل يعيش ماموجود
صينيه العرس لو قفل لو مفتاح
شلت شموعها وتذكريت الراح
عودان البخور استاهدتهه ارماح
الما اخذ واختار خله اليريده
من يمشي خل يشيل كافوره بيده
ما گتلك نسيت شرحت اسوي وياك
رحت اقره القصيده قرايه المله
مادام الصبح مايوگف ويه الليل
مانوگف بشارع لو كسر ظله
غميچ صوابكم ما بين ويا السود
بس بگلبي الابيض بين بخله
انه من اذكرك يوگع ركن بالحيل
اسولف بيك خاف وينهدم كله
سياره الزفه مزروقه و حنيت
عساهه بكسر ايد الطشت الچكليت
نزل جامته خليني اودعه ببيت
ماي السلف من راح چن العطش چاي
بعته السلف ماچاب عگبك جدر ماي
♥
العميدي
رد مع اقتباس
المشاركة الأصلية كتبت بواسطة سعد العراقي راقي*
