❇❇
ﮔطره مهي يا صاحبي مو نهر
حتى النهر ذاك الجره ما جره
اعبر ولو ماي الضماير ﮔصر
بكيفك ولا تنشد على امعّبره
أعبر مثل ما عبروا عله الشرف
دنيه وغده بيهه الشرف ﮔنطره
وعطبه لون شريان ﮔلبك نزف
ولا تنحمس رد للغمد خنجره
أعبر ولك ماي الضماير ﮔصر
تدري الضمير بيا وجه ينكره
ثبت الجدم زحمه الجدم لو عثر
تدري الليالي دروبها إمعثره
خايب ولك اعرف ضميري بحر
وفوگ البحر هم تعبر الـﮕمبره؟
آنه الذي عيه وعجز ضامري
لن ما شفت واحد عذب ضامره
مدِّنج ولا مره شلت ناظري
امن ابنآدم المايستحي ناظره
وآنه الذي عني رضه خاطري
ويا مسعده العّنه رضه خاطره
لا كيفي ليله من الليالي عمر
ولا مثلي بيكم دنيته امكدره
وكون الحديث اعله الموده عبر
آنه اللي عد ﮔوم التود مفخره
يا من لضمتك للتمايم يسر
ولن اليسر خرزاته امـﮕشره
وسفه عليّ خليته يحدي العمر
عاف الضعون امدولبه امحيره
وآنه البنيت امن الموده ﮔصر
ابهام الثرية اتدگ اله شمخره
وآنه الشعاع اليضرب اعله الـﮕمر
وشاف الليالي امن الدهر مكبره
آيالدهر واليكتب اعله الدهر
لو محبرة هم تخلص المحبره
فرني الهوة وطحت بهوه عزتي
لنها سبوگ امرّسنه امخدره
وشوگ العذاري شما مشه ابريتي
اخدر على ناره وسنه مجمره
وحين انفرد بيهه ودگ خيمتي
واصفن على خط الزمان اشقره
عاد اللّه يعلم بالظنون اشكثر
تطلـﮓ وشوفن خيرتي امحيره
اهناك اباتن واصبح اعله الصبر
واتحزم الـﮕـاعة واطش عنبره
❇❇
الضويري
رد مع اقتباس
المشاركة الأصلية كتبت بواسطة صمت الحزن
