❇❇
متت وهمومي وسكتي
غلطتك
يالچنت كلشي
أمس طشيتك على الأيام
صم نسيان
وسويتك حزن
وصيت نفسي هواي كلش
تنسى رسمك
تترك السبوره سوده مثل امس
تمحيلي اسمك
بطلت أتگبگب گبالك
مثل خوفة عصافير البيادر
بطلت
اوگف اصليلك مثل كل المناير
بطلوا الجيران يتختلون بشبابيچ حچيك
وشعلوني بحسدهم شگگت كل الدفاتر
متت
متت
متت
طفيت التبرزل
نيميت المطره بعشوش المشمشة
وحــــــــيل جريتك على
النسيان
يا سرجي خشب
بطلت اراجي
دفنتك بصبخة فرح بالروح
وهديت السواجي
الروح روحي وبطلت ولويت اذنها
شرد اگلك يا حزنها
بطليت
طلسم فكيت سحرك وانتهيت
طلسم مكتوب كلشي
ومامش شلون ابتليت
ما اچذبك
انه ناسيك وبچيت
شلون ما اسكت بنفسي
تلتفت للماضي تبچي
تحط على الحايط حلمها
هي مدري حايط الأيام يبچي
وانه صافن
مثل المحجر على الريح ارتچيت
لا متت انت
ولا انه احتييت
لكن الأيام ماتت
غلطتك يالچنت كلشي
ومادريت
غلطتك صلحها بعدك
انت كلشي
مظفري
رد مع اقتباس
المشاركة الأصلية كتبت بواسطة علي الشمري♪
