هنا

[سارهـ الطائي]

❇❇


انتمي لكل الطيور الخالطت دمهه بدمي
انتمي لكل دمعه حلوه وضحكه حلوه ابكل شفايف آدَمي
انتمي لكًـطرة نزيف اتساوي كل لمعة شِعرنه الملحمي
انتمي لميزان اهلي الماغـّرف فد يوم چـّفه المـّايله
وانتمي لكل چلمه مني وكل حرف مكتوب بيدي وكًـايله
انتمي لسوك الشيوخ البيه ثالث علم طب چان ابوي الشايله
انتمي لنهر الدموع ابعين امي المانشف فد يوم ريجــه
انتمي الكلمـــــن مشـــــــه ابدرب المحبــــه
باع روحه ومارضــه ايبطــــــل طريـــــــجه
انتمي لكلمـــــن يبـــات الليـــل جايــع
مادنت نفــــسه واكـــــل خبـــــــزة صديـــجه
انتمي لبستــان جدي الما يحب بستــــان مثلــه
وانتمي لكل نبته غصبن عالجروح البيهه تعله
واكـره النخله التحمل مره وحده ومن تحيل اتحمل سله
واكـره ابنادم مثل عصاة موسى الينكًـلب كل ساع شكله
آنه حبيت العراق ووعلكًت بعيونه اهدافي ومصيري
ماتخثر دمي من طول الطريچ ولاعثر جدمي ابمسيري
وغيري من ساوم عله حدود العراق وباعه غيري
وغيري ماكمــل طريجـــــه وطـــــاح غيـــــري
من آكـــــــل مني الحصـــــــار ماكلــت من قوت غيري
صـــــــح بـــــعت مـــــــره قمــــــــيصي
بس چنت معذور من بعت القميص حتى لا بيعـَن ضميري

❇❇

غانم الفياض

[كمــال انمار]

جميل جدا

[أميرة الحب]

مشكوره حياتي ♥

[سارهـ الطائي]

جميل جدا

كــ حضورك رفيقي

مشكوره حياتي ♥

الشكُر لتواجدكِ

[علي الشمري]

قصيدة جميلة
شكرا لكِ

[سارهـ الطائي]

قصيدة جميلة
شكرا لكِ

اهلا بك