القصيده للشاعر حازم الحمامي
مهداة الى الشهيد كرار صالح الخفاجي (احد شهداء الحشد المبارك)
القيت في المهرجان الشعري في الشطره يوم 28/12/2016
كل غفله فكر لازم ترد صحوه
تمر خطوه المواقف من بعد خطوه
اذا عندك ذنوب ورايد استغفار
لحك عالحشد لاتخلص العطوه
تره فتره وكت وتمر علينه بساع
نندم والاصابع تنعض بقسوه
اخذ عبره ودرس من كل شهيد الطاح
اساميهم بقت لاطفالهم غنوه
واحدهم يريد الموت مايلكاه
انطه الموت اخوته وماقبل رشوه
اسباع اتميزوا عن كل بشر بالكون
وي دمهم انمزجت غيره ومروه
شفت كل المضوا للحرب متحمسين
بس ماشفت واحد يرغب البلوه
شفت كرار واتصوب خمس مرات
بس بالخامسه اتعنه الفشك عنوه
عبر ساتر الموت وصاح ياعباس
شد جرحه بقميصه وشالته النخوه
يصيح وداعت امي وتربة اهل البيت
اريد ابذل الروح لهالوطن فدوه
ماراد الكبر خافن يطمه تراب
فرش جسمه وبدلته اعله الارض غطوه
تفتكته يكلها شدي الحيل بيج الزود
والتفكه تكله اعله الحرب تكوه
لمن خلصت انفاسه ونشف ماي العين
بس تفوح ضلت ريحة الخوه
رد مع اقتباس
المشاركة الأصلية كتبت بواسطة Murtadha AL-hilfy
