أشبدر مني ونسيتيني...
لهسه وصورتچ مافارگت عيني..
ونسيتيني!
لهسه الشوگ يتنفس هوى سنيني.
بعدهن زقزقات اشفاچ
كل مغرب تناغيني.
بعد بيه رجيف الشوگ
واهمسلچ تغطيني.
بعد واتلمّسچ بالطيف
ترفه وحيل تغويني.
ونسيتيني.
يمرجوحة لعب صبيان
مره اتجيبني بضحكه وتوديني.
يليش انباع واهس مشتريه بالروح.
هينه عليچ تچويني.
يعافيتي .
ونفس ريتي.
ظلام واعسعس بلياچ
ضويني.
اعرفچ طير ومربّيچ
طرتي بيا سمه
وياهو اليفيني.
بعد ياهو اليرويني.
لهسه او فيّ شچرتچ
ضل يحاچيني.
وبلابلنه اليغنن وي رفيف اشفاچ.
يبچن لو هچرتيني.
نسيتيني واعرفچ ليش عفتيني.
لإن مارافگت تابوتچ ورديت.
وتراب الگبر ماعفته يعميني.
قلمي...
ضياء الصافي
رد مع اقتباس
المشاركة الأصلية كتبت بواسطة لانا احمد
