چسوب --- ميخائيل
أكو ولد أسمـه "چسوب" .. هذا چسوب يعيّـش بمنطقة گلش ريفـية .. بحيث طول عمره ما شايف بس الزرع والنعـجات ..
چسوب الله وفقـه ونجح من السادس الاعدادي بالدفرات لأن چان من المخضرمين بالسادس ..
دخل للكـلية وأنصدم گلش بالأجواء الجامعية .. باوع يمنى يسرى .. شاف الطالبات الحلوات النازكات .. غم گصته وگال أني وين جنت عايش ! .. كل يوم أصبّح من الصبح ماكو يمي بس الخرفان .
المهم من دون كل البنات .. وگعت عـينه على بنـية مسيحية أسمها "سـتيلا" ..
أول ما شافها أنعجب بيها هواي وگال من كل ولا بد لازم أتزوجها .
فـ بقى يحاول يصارح ستيلا انه معجب بيها ويريد يتزوجها ..
وبيوم من الايام راح لـ ستيلا وگـللها : ستيله يا بعد كل هلي .. أني أحبج وصدكيني يتلولح يريد يطيح گلبي من أشوفج وأريد أتزوجج اليوم گبل باجر .
ستيلا صفنت عليه وگلتـله : أوك ما عندي مشكلة .. أنت واحد شهم وخوش ولد وخلوق .. بس أكو مشكلة وحدة ..
وهي أنو أني مسيحيـة وأنت مسلم .. وأهلي ما يقبـلون أتزوج شخص مسلم .
گلـلها يا بنت الناس أحبج ومستعد أصير مسيحي بس تقبلين !
ستيلا فرحت گلش لأن لگت شخص يحبها لهاي الدرجـة .. فـ گـلتله : أوك چسوب تعال يوم الأحد للكنيسـة حتى تحول ديانتك .
يوم الأحد طلع چسوب للكنـيسة .. دخل للكنيسـة .. أستغرب من شاف أهل ستيلا ضايجين و ما سلموا عليه .
"لأن أهل ستيلا چانوا كارهيين چسوب وما يردوا يتزوجها .. فـأتفقوا ويـه القسيس على فد طريقة حتى چسوب يبطل و ميـصير مسيحي وميتزوجها" ..(من باب التعجيز يعني )
چسوب أجاهم وهو متحمس فـ گله القسيس اذا تريد تصير مسيحي فـ عدنا شروط لازم تـنفذها .. گـله گول وأني بالخدمة ..
گله عدنا هاي بحيرة بيها مي .. لازم تغطس بيها من البداية وتطلع من الطرف الـثاني و 3 مرات لازم تكرر هالعملية .. ولازم تگول بصوت عالي كلما تدخل وتطلع هاي العبارة (دخلت منا چسوب وطلعـت منا ميخائيل)
المهم چسوب سواها وغطس وطلع وصوته مبحوح من وره ما گال بصوت عالي "دخلت منا چسوب وطلعت منا ميخائيل" .
فـمن خلص بعد ما گدروا يرفضوا .. فـ بارگوله وگـلوله صار أسمك هسه ميخائيل .. أنسى أسم چسوب بعد .
المهم تزوج ستيلا ع سنة الله ورسوله عيـسى . بالبداية چسوب حيل أرتاح ويـه ستيلا .. بس هي فرضت عليه قوانين صارمة .. گلـتله أحنا المسيـحين نصوم كل أسبوع يوم الأربعاء والجمعة عن أكل السمچ . لأن عدنا حرام وأذا شفتك تاكل سمج أعوفك وأروح أتزوج إيفان أبن عمي . ولا تنسى أنو لازم تصوم 40 يوم قبل عيد القيامة .
گاللها تأمرين أمر يا بعد عمري أنتي .. ماكو أسهل منها .
بس چسوب جان متعود يم أهله يأكل كل جمـعة سمچ .. المسكين گـدر يصبر أسبوعين وما ياگل سمج .
فد يوم من الايأم قفـلت براسه وگال لازم أكل سمج .. ما أتحمل بعد .. متعود ع الحجيـة جانت گل جمعـة تسويلنا ذاك السمج المسگوف .
فـمن شاف ستيلا نامت بالليل هو گعد .. وراح للثلاجة .. وطلّـع السمج والعمبـه والخبز .. وصار يغـمس بالعمـبة وياگل .
بهاي الأثناء چان تجفت عليه ستيلا وكبست عليه وهو متلبس وياگل وعاطت عليه وگـلتله :
- ولك ميخو دتاگل سمچ من وراي .. أيا ملعون ؟!!!
هو گاللها :
- ستوته حبي .. لا تفهميني غلط .. هذا مو سمچ .. بس باوعيلي لحظه .. (سوه لفة مال سمج) وجاب طاسة العمبـة وحط بيها اللفـه وگال :
طبي منا لفة سمج وطلعي منا كُفـتة بطاطس
طبي منا لفة سمج وطلعي منا كفتة بطاطس
هههههههههههه
العراقي لو عشگ بلوه
---------------------------------------------
ابارك لكل اهلنا المسيحيين بعيد الميلاد المجيد
وكل عام والعراق بكل اطيافه بالف خير
رد مع اقتباس
المشاركة الأصلية كتبت بواسطة صمت الحزن
