المن جايني ... ابيا عذر يا تابوت ، شخابيطي
أرادت القاء التحية .... فترددت... وهي تقرأ بعيونه حزن لم ينتهِ ...
فَرمقها بنظرة وكأنه يقول :-
المن جايني ابيـــا عــذر ..... يا تابوت
بيا شيلة بخت مو صار كومه سنين !!!!
داريتك عُمر حّد ما ثنيت الروح
موش امداره مالت يوم لو يومين
وباريتك مثل ام التباري اوحيد
تركض لو مرض وتعّب الجدمين
گبل چانت اعيونك بس تمر عالبال
افز محتام اريدك عين كون ابعين
يطعم المستحه الباقي اعله شفتك ذيچ
يواهس بالگلب جن واهس السِچين
مرعدت اشكثر روحي وصفت بس طيف
ولا چنها اعله عشگك چانت ام عشرين
شگگت الرسايل خاف الك اشتاك
وشگگت الصور مو مرة لا مرتين
وتّعنيت الدروب امسح اثر خطوات
انه اوياك بيها اشجم جّدم ماشين
يا طعم الغدر غدرك اجاك امنين ؟
اظن غدرك ولك مخلوط ويه الطين
قصتنه انتهت چن ريشه اخذها الريح
شيردها وهيه طارت چن خذاها البين
علي الشمري
2016/12/25
6:30 مساء
رد مع اقتباس
المشاركة الأصلية كتبت بواسطة أميرة الحب
