مفارقات أطفالـي
لا يمكن للسرقة الحصول على الشرعية بالجواز ، ولكن في موضوعي هذا لعل الأمر لا يحتاج لـ " فتوى " بحلية السرقة ! نعم .. السرقة هنـــا معنوية ههه .. وهي سرقة البسمة منكم أحبتي .
بعض مفارقات طفلّي ( حيدر و فاطمة ) سأذكرها لكم هنا من باب تغيير الجو .. والأبتسامة .
مفارقـــة حيدوري :
______________
مره سوه شيء محلو ! فگتله بابا ليش هالشكل ! أنته متستحي ؟ مو عيب !
بعد فترة جوي أصدقائي بالبيت وهو كان موجود ف مدخل سلم عليهم ، گتله بابا تعال سلم .. لا تستحي ! مو عيب ؟ وأجه سلم ..
بعد مطلعوا الولد .. گلي بابا : أنته مره تگوتلي أستحي ومره تگولي لا تستحي !!
هسه أستحي لو لا ؟
هههه .. طبعاً هذه من چان زغير .. بالحقيقة أفحمني الرجل ! هههه .
مفارقـــة فطــــم :
_____________
مره داست على بقايا خبز بالگاع ، گوتلها هذه نعمة .. وحرام واحد يدوس عليهــــا !
فد يوم گاعد تمشي ويايه والگاع بيها مّي ، هي عندها معلومة مسبقة بأن الماء نعمة ، چان تگول بابا ؟ نعم فطوم ... بابا : المّي مو نعمة ؟ أكيـد بابا .
طيب بابا أنته ليش جاي أدوس عَل نعمة ! مو حرام ؟
هههه .. من ساعتها أي طريق بيه مّي لازم منفوت بيه !
كتبها : أب ٌ عجز عن الأجابـــة .. لكنـــه تمكن من السرقة ذات الشرعية أعلاه .. هههه . كونوا بخيـــر درر .
رد مع اقتباس
لك ولهم
