هنا

[بهلول الرشيد]

غرك بالماي راح وأيست منه
غرك بالماي
هلو شلونكم حبايب كلبي درر ماي عيوني
كنت وكيح جدا جدا ومشاغب وكانت امي الله يرحمه تعزني بجنون وتخاف عليه من الغرق لان المياه كانت محيطه
بنا وكان عمري مابين الاربع الى الخمس سنوات وتحديدا ب 67 في الصيف والجو حار وفي هذه السنه وفاة والدي
فمن خوفها كانت تربطني الى يدها لكي لااغرق
في ذلك اليوم الاكشر زارتنه خالتي وتعرفون سوالف الحبايب من يختلن مايتركن صره الا ينكثنه بديهن طبعا اني ضجت
من الحاله والى متى اضل مربوط بيد امي وهن يسولفن افلت يدي بسكته وانسحبت عبالك حرامي ممتهن
اكو نكره عميقه كلش والماء يجري من خلالها
واني ذب زرك على راسي
اكو رجال كان يبيع فجل وراكب حصان فشافني من اشمرت نفسي بالماي وضل يشاهدني فقال هذا يمكن غرك
فالرجال جيت وراي وطلعني وامي تنطي كل صوت ولا لاخر عباله ميت
وجان يجي اخوي الاكبر مني ويكضني من اذاناتي ويجرجرني ناس ماتخاف من الله
حتى اليتيم ماتحن عليه
انتو هم غركانين مثلي
لالا اكيد انتو بس غركانين بالحب
بس انه غركت بالمي
وغرك بالماي راح وايست منه
غرك بالماي

كل سنه وانتو كرسمس

خاله ليديا شنو كرسمس

[M̲u̲S̲h̲T̲a̲Q̲ツ]

قصه طريفه وجميله
انا بمثل هالعمر غركت ايضا والقصه متقاربه جداا
شكرا لك صديقي

[بهلول الرشيد]

قصه طريفه وجميله
انا بمثل هالعمر غركت ايضا والقصه متقاربه جداا
شكرا لك صديقي

يو يخوي اسمك شطوله اكتبه بالصيني مو شويه اخف على اللسان
ههههههههههههه
تحياتي لك وشكرا للمرور والتقييم

[M̲u̲S̲h̲T̲a̲Q̲ツ]

يو يخوي اسمك شطوله اكتبه بالصيني مو شويه اخف على اللسان
ههههههههههههه
تحياتي لك وشكرا للمرور والتقييم

معناه سيد الخواتم ....ماعتقد مشايف سلسله افلام the Lord of the Rings

حغيره بس الكه النك الي يعجبني بعد كتابته بالصيني ههههه

[Hunter]

قصة طريفة .. زين وعدت ع خير ..

كان والدي مانعني من شي اسمه شط ..
لذلك اني مجرب السباحة بدجلة مرة وحدة و كانت قبل اشهر من رجعت للبيت و طبعا هم بدون علم اهلي هههه ..

[بهلول الرشيد]

قصة طريفة .. زين وعدت ع خير ..

كان والدي مانعني من شي اسمه شط ..
لذلك اني مجرب السباحة بدجلة مرة وحدة و كانت قبل اشهر من رجعت للبيت و طبعا هم بدون علم اهلي هههه ..

بالخوف صرت سباح شاطر ومن ذاك اليوم واني اعوم كالبط

[ٱجَمل ٱنٌسًٱنٌة]

ههههههههههههههههههه الحمد لله ع سلامتك

[انسان ثاني]

ذكرتني بشعر متنبي العصر الحديث غركت بالشط والشط غرگني هههه
اني الحمدلله والدي هو الي چان يشمرني بالمي حتى اتعلم سباحة (طبعاً ما اذكر هل شي بس اسمع بي)
لان اني اتذكر وعيت على الدنيا اعرف اسبح بس شلون تعلمت ما ادري هههه

[رامي الاصيل]

و غرق البهلول غرقاً ( هههه حلوه )

اني الحمدلله والدي هو الي چان يشمرني بالمي حتى اتعلم سباحة

ذكريات و طفوله قاسيه

[انسان ثاني]

ذكريات و طفوله قاسيه

ترة كان يشمرني بالمسبح مو بالشارع ليش محسسني چانت طفولتي مشردة هههههههه