هنا

[ازهر دوباش]

يمته ارتاح
غير تموت
حتى ارتاح
فكرة الفركة الباله يمته تموت
اخرس والسوالف عندي بس صياح
يمته ارتاح
يبو هابيل امشي عليك ذاك بليس
جنة انطاك الله وبيدك المفتاح
ياتفاح
خل نرتاح

[ازهر دوباش]

جذبة
خربت كل شي اريد
ويه صدفه تسوه كل شي
شكد عجبني بيها امشي
خطوة خطوة ويالحبيب
یاحسافه چذَبَت
چذَبت جذبة نصيب
والنصیب
واكف بدربي منيه ويالرقيب
يارقيب
حن علیه
يامجيب
هاي اديه
ياحبيب
حبي هي
خلي اخذها اليه
وانت اخلق كومه منها
تدري هي كل شي بيه
حن عليه

[kian al-basrawii]

حلووو
عاشت ايدك

[ازهر دوباش]

ماحجينه
ولا بجينه
وعشنه دور المايبالي لفركتنه البيهه بتدينه
ماحجينه
وما انزلت ادموع من عيني وعينه
اي نسينه
كلمن نسه خله وجفينه
اي نسينه هه نسينه
كل الحجيته جذب فكرة النسيان مامرت علينه
ثنينه بهذا الفعل ما بادرينه
واحدنه ميت من داخله بحزنه وونينه
تفركينه لا لا ماقبلوا علينه
سواد الليل يبجي نجوم حد ما عمت عينه
الفجر ذب ثوبه الزرك ذاك من سمع بينه
الوكت مايمشي كام يموت ويانه تاهت سنينه
الوادم بينه كام تلوم لاعدلين لاميتين حاسبينه
اي حجينه شكد حجينه
تعاتبينه وشكد بجينه
بس ماتفاركنه ولا نسينه

[ازهر دوباش]

من عدنه كل شي يغار
نسمات الهوه التمشي
ورمشي يغار من رمشي
بعيني من اصدله
الهوه يدفع بشعره
يطشر بيه مالمه
يكله اقترب منه
ريته معوزه الشمه
خل يعيش يستاهل
ينسمة ليل لتهبين
خلي الملاكه وجوه
خضار الطاير بشعره
خله خدودها الحمره
تذب الوان
اي نعسان
كون اغفه
مثل كلاده بصدره
ويندهوني كوم اصحه نمت هواي
ولو قرنين موش هواي
يانسيان
يانسيان الينسيني
اجمل لحظة سنيني
بكل شمت هوه اذكرها

[Zahraa AH]

جميل ..شكرآ