باسم الخاقاني :
سولفلي همك والتعب
مادام بعيوني وطن
و مادام بعيونك شعب
من يامدينة تهجرت
يا جوع مر بيك وضعت
من يا عطش .. من يا حرب
لا ما يضيعنا النبض ما دامنا بنفس الكَلب
صح الرسالة اتشكَكَــت
بس العشكَـ للينعشكَـ
طلع الرصاصة من الچتف
و نزل السياسي من العرش
و سولفلي همك والتعب
مادام بعيوني وطن
و مادام بعيونك شعب
عقيل العرد:
أنا سمارك ضحكتك
وأنت چلمتي وشارتي
و شما يأذن طائفي
اتيمم تراب الوطن ... والخارطة مصلايتي
ومن يا مدينة تهجرت
ما ضعت من تهجرت كل العراق ولايتي
وجهك عراقي ومارهم بس على وجه مرايتي
بسمار دمنا لكل عرش
والباعني وباعك عرش متعلكَه بشماعتي
الكرسي ضد حلم الشعب
والساسه ضد حلم الشعب
والشعب ضد حلم الشعب
بس خانكَتني حجايتي
باسم الخاقاني :
يمكن بعد بينه عشكَـ
والنهر يقره ترابنا
وللهاجروا شوكَـ وحزن
وللظلوا دموع وصبر
والفاتحه تبرد الكَبر لو سامرينه احبابنه
يا شامت الغبره انجلت
خيطنه دشداشة علي
ولا يدكَـ لو چفك حزن
ضحكت مُحمد بابنا
عقيل العرد :
سامحني خل نرجع وطن
اثنينه انبعنه غصب
واكتبلي كَالوا يختلف طعم الرسايل بالحرب
نفس السمار الـ بالوجه
چاليش نتلاكَه غرب
واثنينه اولاد النهر وتعجبت
وتعجبت واحد تبده عالجثث
والثاني بحبوب المسافر ينشرب
بكَلوبنه نفس الحچي
وثنينه بـ لايه حچي
السكته بينه سافرت جنطه ودرب
يا صاحبي مات الورد
يا صاحبي طكَـ الورد
العشكَـ نفسيته العشكَـ
مادام ما مات الكَلب
المنشد : سيف المنشداوي
ويلاه والويلاه عالتابوت خدرت
ويلاه وبنية المكتول كبرت
كَالوا يچي وعالبين صبرت
ودمعتها عالشفتين عبرت
هلبت يجي ... هلبت يجي
هلبت يرد لاهله الشعب
رد مع اقتباس
المشاركة الأصلية كتبت بواسطة كيان البصراوي
