عليك شگد اخاف شگد اداريك
حبيبي اتمنى داخل گلبي اضمك
إذا مو إنت بيها الدنيا شتفيد
ولك همزين ابوك اتزوج امك
ما نگدر نوصفك حتى بالأشعار
جبل من نوصفك مانگدر نلوحك
لذلك جبنه ورقة وقلم وانطيناك
وانت براحتك ظل وصّف بروحك
وصل حبي إلك حد ماهو معقول
بحيث وياي إنت وآنه مشتاگ
تشابگني وتشاقيني وأشاقيك
وأصيح ( الله اكبر ) بسّــك فراگ
صديقي الكلي ضلمه اخلافك البيت
طلع جذاب عدهم نازله الجوزه
من گد ما حلو ما ميزيت البيك
ومن شفتك حبيبي ثگلت نوحي
ولومثلك حلو چا ماطلعت الباب
يعمي وداعتك چا جومت روحي
شفتك ماگمتلي بساعة المريت
بية الصوچ وانته من الذنب خالي
خدرانات أدري من التعب رجليك
هلگد ماتروح وترجع ابالي
من گالوا إجه الكل طلعوا ايكرضون
والبيبان طلعت هيه والعتبة
ومن گد ماحلو لزموا سرة ايسألوه
شنهي انته حلاتك صدگ لو چذبة
ايساعده الله الكابلك طول النهار
واني بس نظرات احس ذايب متت
انت لو مريت يم اعمى بطريق
جان صاح بصوت ابشركم شفت
نسونة الجانو بنظرة يحلمون
وليش نلوم بيهم والله حقهم ..
مابيهم خلل بينة الخلل جان
أنطيناهم أكبر من حجمهم
اگلك شغلة بس لا تزعل وياي
گبل ما اگول احلف حتى اگلك
جمالك مو طبيعي مسودن الناس
من يا مله انت اشتعلوا اهلك
من ضيم العليّ ظليت ابيع اهموم
واسعار الهموم مسجلة بخدي
الرايد حزن ياخذ حزن ويروح
والرايد فرح يعذرني ماعندي
خطار الحزن يومية بالبيت
ولامره الفرح مر بية خطار ..
عزيمه للفرح فد مرة سويت
تيه باب بيتي وراح للجار
يالشايل حسن ماينحمل فد نوب
تـايــه بيـــك افــكر مانمـت ليلي
وعنك لاتظن تحجيلي بس الناس
مره اخرس لزمني وساعه يحجيلي
مسودن من صــدك لتگلي جــذاب
و سـواديـن الـعـقـل انت سبــبـها
وبحبك من طحت صرت ارقه مجنون
وعشيرتـكـم شلع گـمت انه احبها
ما تـسـوه الدمـع ذاك الـبـجـيـنـاه
ولا تـسـتـاهـل الـتـعـب الـتـعـبـته
ولا تستاهـــــل الــغـالي اسميــك
لان گلبي الجبيــــر بــرخص بعتـــه
لا تسأل علينه شعجب حبينــــاك
مفهومه القضيه شعجب حبينــه
اكيد الما يحبك وحده من اثنيـــن
نقص بالذوق عنده لو عمه بعينــــه
أيس لا تظن ابعيني گطرة ماي
أبچيها عليك وتغرﮒ اخدودي
عنودي وما أحن لو تنزف العينين
وبظنك لاتظن ايحن العنودي
يدنيا عـلي حـزنـج زيــدي وعيـدي
وأنا بأصعب ظرف ما خالف وعيـدي
عـيـد الـنـاس مـن تـفـطـر وعــيدي
مـن اشوفـك تجي وتـمر عليـة
رد مع اقتباس
