مساجله بين مريم حسين وحسين الساعدي
______
​
أرد اسئل العشاك وبهذا الكروب
ليش الدموع اتفور ساعات الغروب؟
االساعدي
_

لا تسئل العشاك سهله القضيه
دمع الغريب ايفور وبكل مسيه!
مريم

-
اذيته وتاذيت جرحي ولجمني
بس جرحك ابهل ناس كلش يهمني!
االساعدي

-

جرح البقه وياك نفسه ابدليلي
يلجمني وبكل يوم ضل يشتكيلي!
مريم

-

ذاك الخميس الراح جنه المنيه
زفه ابحضن تابوت مرت عليه!
االساعدي

-

زفوني للتابوت ما جنهم اسلام
والزفه زفة موت كدام الاعدام!
مريم

-
كالو ركصتي اهناك ركصه قويه
والزفه حلوه اوياج ذيج المسيه!
االساعدي
-
ياركصة المذبوح لا لا تهمك
ضلت ترف الروح رادتني يمك
مريم
-

والقسمه ليش اوياي كلش وكيحه
خلتلي هاي الروح ما مستريحه!
االساعدي

-

مو بس قسمتك هاي هاي انه وياك
متعذبه وبكل يوم واتمنه ملكاك
مريم
-
مبروك الف مبروك روحي ابقسمتج
خلي الدموع اوياي وانتي ابضحكتج
االساعدي
-

ياكلمة المبروك شمسويه بيه
مثل اليجي خطار يم المنيه!
مريم
-
كالولي تنسه اهواك لمن يعوفك
من روحتك لليوم واتمنى اشوفك!
االساعدي
-

ما تنسه شوكي ابيوم يل ما الوحك!
وتعاهدن للموت روحي اويه روحك
مريم
-
وشذكراك هاليوم وبذاك الاحساس!
حسبالي رحت ابعيد يمشيب الراس!
االساعدي
-

روحي البقت وياك ما رادت الناس
يل بيك احس احساس مامنه مقياس
مريم