هنا

[dr.Nafes]

مسائكم ورد جوري بكل الالوان.الموضوع مبين شنو هو..اعتذر صارلي فتره مناشره موضوع بس اليوم حبيت اتناقشوني بهذا الموضوع ..
نجي للشاب بهذا الوقت ١_ دور الشاب تدرون اكو قله نسميهم بالرجال سوري الشباب الي هنا ليفتهموني غلط المعظم من الشباب وليس الكل .يعني قبل فتره شفت شاب والله كرهت روحي مقتنع طالع هيج الشعر كفشه ومفلفل جنه اندومي وصابغه اصفر يعني لاعب بروحه لعب والقميص نص مدخله بالبنطرون ونص مطلعه والگلاده والسنسله الي برگبته يعني مااعرف مقتنع بروحه لا وبعد لابسلي فلاته بدون جواريب بالبنطرون طافر مطلع رجليه .ماجاي احس بيه شايل صفة رجوله ..سوري على هاي الكلمات ..
نجي للمراه ٢_ يجي موديل لابسه حجاب ونص من شعرها طالع ومن اجه موديل الكبات اكيد تعرفون الكب شنو .المهم كانت ضمت شعرها ولبست حجاب كامل لو اديها طالعه ولابستلي سورات ومطلع نص من اديها والمكياج يطلعن من الصالون ..
الى هنا اختم موضوعي اتركلكم التعليقات.اعتذر عن الاطاله.

[فوبـــيا]

كل شخص حر باختيار الطريقة التي يريد الظهور بها ، هناك أمور أكثر جوهرية يمكن الحديث عنها بدلا من مطاردة مظاهر الناس وأزيائهم ، ربما نجد شخصا مثيرا للاهتمام داخل هذه الهيئات الشكلية ، قيمة الإنسان بما يعرف ، تحياتي

[dr.Nafes]

كل شخص حر باختيار الطريقة التي يريد الظهور بها ، هناك أمور أكثر جوهرية يمكن الحديث عنها بدلا من مطاردة مظاهر الناس وأزيائهم ، ربما نجد شخصا مثيرا للاهتمام داخل هذه الهيئات الشكلية ، قيمة الإنسان بما يعرف ، تحياتي

صح اخي بس هنا اني ماوضحت الكثير بعض الشباب يكونون ذت جمال مفرط بس اخلاقه للاسف .انرتني بحظورك وطلتك البهيه اسعدتني لمرورك انرت اخي سراج^_^

[Zahraa AH]

موضوع مهم...بس مو كل الشباب ولا كل البنات...البعض منهم شوه صورة الرجوله بمعنى الكلمه ..برأيي الشاب بدون ما يسوي هذه التغيرات ع شكله أجمل بكثير لأن جمال الشاب باخلاقه.. بدينه ..بشخصيته'''''

[اوزارو]

الثقافة شيء مهم...بغض النظر عن التدين والعرف الاجتماعي...فثقافتنا اصبحت عند البعض في كيفية لبسة...ويعتقد في نفسه انه في غاية الثقافة....والعلة اكبر مما نقول بكثير...
وعلى قول الدكتور سراج..هناك امور اكثر جوهرية يمكن الحديث عنها.....تحياتي

[نائل الكناني]

هاي مصيبة العصر اللي احنه بيه اختي
اني هم املاحظ هذا الشي بوضوح في محافظتنا كذلك مع الاسف واني افتهمت قصدك زين بس شنكول الشكوى لله بسبب هالمسلسلات التركية اللي امحرمتهه المرجعية بس شالفايده محد يسمع الحجي وهاي نتيجتهه ومو هيه السبب الرئيسي لا بالتأكيد هواي اسباب رئيسيه منها الولع والحب الشديد بالتشبه بالغرب هسه الغرب بيه ايجابيات واحنه شبابنا وبناتنا لا تركوا الايجابيات ولزكوا بسلبياتهم وهاي الكلتي عنها م اكبر سلبياتهم ، مو بس انتي ملاحظة وانما الظاهرة دتنتشر بشكل مخيف ومفزع نسأل الله العصمة لنا ولكم ، تحية ود واحترام .

[سارهـ الطائي]

يا عزيزتي صح هذا الكلام و دائما اراه في الاونه الاخيره الكثير من الشباب نحت منحى الغرب في المظهر والعادات ايضا لكن لا استطيع انا او انتي او اي شخص اخر ان نغير المسار الذي فرضوه على انفسهم يا عزيزتي لانهم سلكوه عن قناعه و رضا
ورداتي لروحكِ

[بهلول الرشيد]

اكو مثل عدنه بعد عمج ايكول
البس بما يعجب الناس وأكل بما تشتهي نفسك
ياجماعة الخير اني أسأل اهل الشباب والشابات من يطلعون مايشوفون ولدهم ؟
وبعدين من كنا شباب ماسوينه عشر ماسويتوه انتم وكنا نحارب الشواذ ولانختلط فيهم
والبنيه اللي نشوفه تضرب مكياج وتطلع والله مراح تلفت نظرنه ونطلق عليه هاي بت افلانه
ومنسميه باسم ابوه لانه لو كانت بت ابوها ماطلعت بهذا المظهر الخالي خلني
ياعمي والله خزيتوا الشباب مع احترامي للمؤدبين من كلا الجنسين
اخ راح العمر يبهلول ومالبست افلات

[استاذ]

وللناس فيما يعشقون مذاهبُ ،، مو مالت ديمقراطية مال عصا لو اكو قانون قوي كان ماصار هذا الشي انفلات الى اخر مدى اغلبنه جامعات وكاعد نشوف اللي ماشافته العين تقليد اعمى للغير ولا كأننا بمجتمع اسلامي وفيه تقاليد اخت شمعة ماخفي كان اعظم خليها على هاي الحالة افضل مما تجينه الصعبات . شكرا لكِ ولموضوعك

[شاطئ باسم]

انا معك في هذا الموضوع بس نحمدلله بالوطن العربي عدنا قله من هيج نماذج

اوربا مليانه من هيج اشكال وياح حظ

مع كل الاسف والله


ودي لكي