بغداد احضنتني
ﻻ تنظر اثيابي انظر الجواي
الماي اشكد ترف بس يرهب بمده
انه بت الشطره الجابته ذي قار
اكص جفه اليريد اعليه يتعده
مسروجه المنصه اكحيله للفرسان
مو ياهو الصعد بس الشعر عنده
ردت من بحرك اغرف بس بخلت اوياي
بس انطيني فرصه اوزاني تتبده
شغت جف بيه غدر كالولي جف صياد
يطرد بالغزاله وحاضن القرده
وسفه الماعرف تنوره شجرت ياس
حركهه وطول عمره ايداري بالعرده
خشمه ايشم عطب شعواط
مامتعلم ايشم ريحة الورده
ما راح انتميلك انتمي البغداد
تشوف اليعتنيهه اويه الجبل كده
ترحب باليجي وتفرش كلبهه ادروب
وما كالت فﻻن اشعنده ماعنده
بغداد احضنتني وحاوطتني اضلوع
ما انكر دفوهه بشدت البرده
تحضني وتكلي افيش بت ذي قار
مثل شبكت حبيب امفاركك مده
ياوسفه الحبيبه انكص شعره اليوم
ويوميه انفجار اكليبهه ايمرده
ماهم ...
. ردت واحد يهم اوياي ماهم
وهم بيهم ودور وين ماهم
ما دام بحضن بغداد ماهم
ﻻن دافي وكلبهه الكاظميه...
رد مع اقتباس
بغدادي 
.يسلمو للشعر الرائع.
المشاركة الأصلية كتبت بواسطة $شمعة ذي قار$
