الله يخليج عيني عوفي التكبر والغرور،ترة وداعتج بس الفاشله مغرورة..ف انتي على شنو تتغيرين كلنا من التراب الى التراب.
الله يخليج عيني عوفي التكبر والغرور،ترة وداعتج بس الفاشله مغرورة..ف انتي على شنو تتغيرين كلنا من التراب الى التراب.
حبيبتي ،،لتجهدين نفسج وتتعبيها وتحمليها فوك طاقتها علمود القروده وجويسم يرضون عليج،ترة وداعتج باجر من توكعين محد بحالج.اشتغلي بالشي المعقول ،،، مو كل شغلاتج تجمعيهن بيوم واحد لا حبيبتي هالشي غلط.اصلا الزوجه اذا اشتغلت ف هذا فضل منها.مو واجبها الشغل بالاسلام
ما اريدج تستسلمين لمجرد زوجج كالج طبخج مو طيب لو اطفالج مستواهم مو زين.لا حاولي تدرسيهم بطرق جديده،،،وطبخات حاولي تفتحين يوتيوب وتشوفين منال العالم وام زين لو ام فراس وتمشين على مقاديرها بالضبط،صدكيني الاكل راح يصير يخبل،وراح جويسم كرشه يصير متر
المشاركة الأصلية كتبت بواسطة warda
ديربالج حبيبتي تكولين اني شويه واني مو شي مهم.لا حبيبتي انتي فد شي جدا مهم ،، تعرفين ليش بس جربي تطلعين من البيت يوم،اذا ما ضاعو جهالج وزوجج..وحتى بالعمل وجودج مهم جربي تغيبين يوم وشوفي اذا ما كلها صاحت وين فلانه اليوم
دير بالج من فقرة انه تظلين دائما بنفس شكلج ونفس ديكور بيتج.تره الروتين يحطم ويروح جويسم يدورله وحده غيرج.لازم شويه كل فترة تغيرين شكلج.تروحين للصالون كصه شعرج غيريها ،صبغي شعرج.غيري ترتيبه حواجبج.اخذي كم قطعه ملابس جديده،صبغي اظافرج.دللي نفسج شويه بعد شغله تغيرين بيتج وغرفه نومج شويه.يعني حتلو تبدلين مكان الاثاث هالشي كافي. .
الله يخليج حبيبتي عوفي التسرع والغضب.هذني يدمرنج دمار.كوني صبورة بكولشي بحياتج.ترة في العجله الندامه وفي التأني السلامه.يعني حتى بكلامج ويه اي شخص،فكري ياله تطلعيها للحجايه.ترة اكو ناس واكفيلج عالحجايه
عندج علم جويسم حتى لو مناقصج شي هم يدور وراج
عندچ علم أنو ٢ نسوان بالبيت احسن من وحده ، لأن شغل البيت راح يتقسم بيناتهن ، وبالتالي راح يقل الجهد والتعب ، بالإضافه الى أنو المرأة الثانية ممكن تكون بمثابة صديقة وانيسه تؤنس عليچ الوحشه ، وتملي الوحده والفراغ في حال غياب الزوج ،، فممكن تخلصون النهار سوالف وتتبادلون الآراء وتتناقشون وتتسامرون أو تلعبون بلي ستيشن ، او حتى تساعدچ في تربية الأبناء ،،
حبيبتي خليج سعيده ومبتسمهترة وداعتج التشاؤم يجيب تشاؤم وشي يجر شي
.خليج مبتسمه،ترة والله اطفالج يباوعون بوجهج واذا انتي دائما هيج
راح اطفالج تنعكس عليهم سلبا لان هذوله انتي قدوتهم.
واعتقد حجيت كولش هوايه بس اني احب تستفادين وتكونين ناجحه بكل حياتج
رد مع اقتباس