هنا

[warda]

مساؤووو/ صباحوووو

فقرة عندج علم هل فقره لتبادل خبراتكم البيتوتية تجاربكم بالطبخ والتنظيف والتوفير وافكاركم الحلوه بكل مجال بالبيت

مثلا

عندج علم


١-عندج علم من تجين تقلين السمك لازم يكون الزيت حامي حتى ميلزك بالطاوه..

٢-عندج علم رشه فانيلا بزيت تقضي على كل ريحة زفر..

٣-عندج علم اذا تردين تخلين التمن ابيض ويخبل ضيفيله قطرات من اليمون

٤-عندج علم اذا ردتي تحافظين ع الخضره جديده وفريش مدة اسبوع لفيه بجريده وخليه بالثلاجه..

٥_عندج علم اذا جمدتي الطماطه او الليمون او البرتقال من تطلعي راح يكون بي هواي عصير افضل من الغير مجمد..

٦-عندج علم فحمايه بالفحم الثلاجه تسحب كل الروائح وتبقى ريحة ثلاجتك طيبه

٧-عندج علم اذا تردين اتنظفين الطباخ نكعي بشوي مي وصودا وفركي بسيم وصابون ايد يطلع يلمع

٨-عندج علم اكبر جريمه ترتكبيه بحق بيتك واولادك هي وضع سله بداخل حوض السنك..لان راح تلم اشكال الجراثيم والمكروبات وتنتقل بالمواعين الك ولافراد عائلتك

٩-عندج علم السفنجه الخاصه بغسل المواعين لازم تختلف عن التغسلين بيه سجينة اللحم ولوح تقطيع اللحم والدجاج لانه حتصير بيها ريحة زفر كوداً تستخدميها دائماً للحم والدجاج والسمك

انتظركم مع خالص الودوكل فكره بليرة هع قصدي بتقييم واذا ما متواجده الله والعاذرين

[هبة الله..]

جميل جدااا
جزاك الله كل خير

[كراميلا]

اغلبهن عندي علم بيهن ^-^
شكرا حبيبتي

[فقد الاحبه]

كلهم اعرفهم

[dr.Nafes]

عندج علم اذا حطيتي ملح على زيت قبل لتقلين الدجاج ميطفر عليج ^_^
شكرا للموضوع النايس ورده ^_^

[warda]

منورين

[warda]

1/ من تاكلين رمان بسرعة غسلي بصابون لأن اظافرج تصير سود ..

2/ من تشتغلين بالبيت لتلبسين نعال(تكرمون) ابو الاصبع حاولي تلبسين عادي لأن رجلج تعرض وتكبر وراح يضايقج اي حذاء عندج.

3/اذا عندج تشققات برجليج استعملي زيت زيتون بالليل وفازلين ولبسي جواريب ..

[warda]

نصائح_بيت

1/ اذا ابنج/بنتج وكيح ومتعبج ويبصق او يلفظ الفاظ مو حلوه ، اخذي ورقة وكصيها بشكل قلب وكوليله هذا قلبك وكلما يلفظ لفظة مو حلوة خلي عالقلب نقطه سوده وكوليلي كلبك بي سواد وبالتكرار لحد ما يتعلم ،

2/اذا ابنج يعاني من فقدان شهيه وقلة اكل ، سويلة طبق جمالي مثلا رسميلة وجه او لعبة او سميلة الاكلات مثلا اشياف البرتقال هذا بابا وهذا ماما وهذا انت… الخ هو راح يبدي ياكل بشهيه.

3/ اذا من تطبخين تحسين خشمج يتأذه من الدخان استنشقي مي مقطر ، او مي وملح وراح تتحسن جيوبج الانفية.

4/ اذا تحبين ملابسج ريحتهم طيبة خلي معطر تنظيف وية المي بالغسالة ..

5/ استقبلي زوجج بكلمة حلوه وابتسامه مهما كنتي مشغولة وحضريله ملابسة والحمام .. وحاولي تفاجئي باشياء حلوه مثلا كل اسبوعين سهره حلوه وعشاء مميز ..

[warda]

نصائح_مطبخ

1/لتسوين سلطة خيار من تطبخين دجاج لان ابد مو طيبة وزفرة.

2/ اذا تحبين الكيكة تنفش ومتفشل خلطيها باتجاه واحد لترجعين ، واذا تريديها تطلع ناصعة البياض خلي زبادي لو روبة سفن.

3/اذا وكع دهن او زيت على ملابسج بسرعة خليله بودرة وره ربع ساعه اغسلي راح يختفي وتندهشين

[warda]

انتبهي ويايه انتي لازم تصيرين قويه وشجاعه وتتحدين كل الظروف الصعبه بحياتج،ومتخلين شي يؤثر على نجاحج ف لازم وضروري اول شغله تسويها هي:
١_ ما تكررين الخطأ الي خلاج تندمين ب كذا مرة
٢_ما اريدج تكونين محبطه ويائسه لمجرد مرة او مرتين فشلتي بشي.خليج قويه