قصة فتاة فقدت أباها واخوتها في الحشد الشعبي ---------------------------------------------------
اجت بمها تهم سيارة بس تريد
ضلمه وليل موحش خايفه عليها
شافت من بعد سيارة ليها تريد
صاحتله دكف من صدها رد ليها
مد ايده لجتفها بوكت ساعة ضيج
تجر بمها البنيه وصار ياذيها
كاللها الحلو طالع لوحده اشلون
يمشي ويه العجوز اوين ناويها
ترضى اهلج واخوتج وحدج اطلعين
اشلون لمثل عمرج تمشي اخليها
امشي وياي اوصلج والهموم تروح
خل كلبي وي كلبج ناره يطفيها
صاحتله وكت خﻻك بيه تعيل
وانه الماجان واحد جاب طاريها
لو ابويه عدل تكدر تمسني بسوء
جفك ينكطع والروح يكظيها
كاللها لعد تركوج وحدج ليش
تجرين ابعجوز الوكت كاضيها
بجت من سمعته وانتفضت ابﻻ روح
اخوتي اتفازعت بالحشد تلكيها
صح دمهم وكع وتفايض اعلل الكاع
لجل هذا الوطن والكاع تحميها
مرتين انجرح والدي ورد اردود
كال اللهم حسافه الكاع اخليها
يمن تنشدني ليش ابليل وحدج هيج
جبت امي مريضه وجاي اداويها
بجه حيل وتندم من سمعها وصاح
احلفج بالعزيز الروحي تبريها
غشيم وما عبالي الدنيا ضكت بيج
شيطاني قوي والنفس غاويها
اسف ما ازعجج بعد كومي وياي
اداوي امج عهد مبخوت ارد بيها
المثلج بت علي ما تنهظم والله
المثلج بت علي تنباس رجليها ---------------------------------
خادمكم / سليم الجنابي النجفي
رد مع اقتباس
المشاركة الأصلية كتبت بواسطة ♫..* همـس المشاعـ♪ـر *..♫
