اليوم كله على الجكاير
-----------
الشاعر صلاح اللامي :
شكثر شوغات من وكتي -- تلفني
جگارة تتن وچفوفي -- تلفني
گطف ظليت من خلص -- تلفني
بشارع واليفوت يدوس بيه
***
الشاعر علي الكركوشي
أخاف من الوكت انفذ -- شمرني
جگاره وبالمذاق آنه -- شمرني
گطف ظليت ما هدني -- شمرني
بوسط چانون ماظل أثر بيه
***
سيد بشير الغالبي
روحي الحزن والهم -- ورثاهه
و لا صح اليواسي -- ورثاهه
أنه روحي جگاره -- ورثاهه
فاهي من الگطف حط نار بيه
***
الشاعر زمن الركابي
شتلم بيه زماني -- ما يذبني
وأبد يذبات راحه -- ما يذبني
جگاره بطخم شايب -- ما يذبني
وتذكر كل سنين القهر بيه
***
الشاعر حسن الشميساوي
روحي الحزن والهم -- ورثلهه
أيرهه بحزن ينعه -- ورثلهه
جگاره الروح صارت -- ورثلهه
طفل من كل كتر حط نار بيه
***
الشاعر مسير السعيدي
يشم الشذى بروحي -- من گطفهه
وألف تب الگطفهه -- من گطفهه
جگاره امست وشبهه -- من گطفهه
زنادي وهل تلوچ النار بيه
****
يطفـّي الظيم روحي -- وان شعلهه
ونشعـة قهـر بيهه -- وانـشع الهه
جگـاره الروح بعده ال -- ون شعلهه
وطفت سكته وهلي ما درو بيه
****
المشاركة الأصلية كتبت بواسطة سارا~
