هنا

[علي الموسوي الموسوي]

ياريتك تشوف البيـــــــــــــه ياريت
وتفهم من نظرتي شتعني اليه!!
تحس معنى كلامي كبل مااكول
وتعرف بالضبط شيصير بيـــــــــه....
تعرف من أشوفك ليش انهــــــــــار؟؟
وليش الرجفــــــــــة تاخذ مني أديــــــــــــه؟؟
وليش اصفن عليــــــــك من احجي وياك..؟
وانســــــــه الدنيا من نوكف سويه.....؟؟
وليش ارضه بجروحــــــــــك واني ممنون...؟؟
برأيك ليش متحمل الاذيــــــــــــــه..!!
وليش اتمنى اشوفك أسعد انســــــــــان,,,
حياتك بس سعاده وهاي هيه......
واذا فـــــــــــد يوم شفت بعينك دموع..
أدعي من الله تاخذني المنيـــــــــه...
هسه فهمت حجيي وشقصــــــــدت بي....؟؟
أحبك يعني..........ما مبين عليـــــــــــه..؟؟

[♡ايوووته ♡]

نسيـــــت الألـــــم بــس الأمـــــل گـام يهيــــج
ومسكــّــن للأمـــــل لـــو لاگي چـــــان أشـوه

حـــــرام إن چـــــان غيـــــرك يستفـــــز الروح
منـــــو اليملـــــي فراغـــــك ؟؟ عگبك إشتهوى

مـــــا يـــــرويني بعـــــدك سلسبيـــــل المـــــاي
ودّيــــــــــلي سرابـــــك لـــــو ردتنـــــي أروى

[علي الموسوي الموسوي]

خلص حيل الصبر وك رايد ارتاح
وهدم كلبي التعب من حبك انت
كضيناهه سوالف بين العيون
وشفايفنه بخجل كضتهه سكته
قبل حالف جنت ماعيد الاشواك
ومن شفتك ولك كل شوكي عدته
كلت اعجاب يمكن باجر يزول
وميدك باب كلبي ولا عتبته
وطبعا انت مادكيته للباب
كلبي وبابه بعيونك شلعته
سوولك سحر رادو يصيدوك
وسحرهم من وصل يمك سحرته
اني بلا سحر بس شعري وياي
ولو ما انته صدك ماكتبته

[♡ايوووته ♡]

اشكثر شافت ظلم روحي وحسبات
وسوالف شالت بهجرك وحسبات
سهم بعدك دخل صدري واحس بات
حدر ضلعي وترك نيشان بيه

[♡ايوووته ♡]

واكف عالدرب منتظرك تعود
دفني تراب رجلين اليمرون
صحتك لا تروح تخيل شلون
مثل صيحه الميت لليدفنون
أنا أحتاجيت جيتك حاجة الصوت
للخرسان خايب من يغركون
بدونك تدري عمري يخلص شلون
مثل عمر الجكاره بحلك مسجون

[علي الموسوي الموسوي]

صار سنين صابر والگلب موجوع
أضحك بالچذب وبروحي أحزاني
وأگول تهون لازم كل مصيبة تهون
أشو عد المصايب ثبت عنواني
عشت عمري غريب وبس اداوي جروح
ولا اذكر بشر في يوم داواني
شسولفلك شگلك ع الجرة بدنياي

[♡ايوووته ♡]

انه مرقد حزن يطوفوني مجروحين


وعلى شباك جرحي هواي يبجون

[♡ايوووته ♡]

فر مغزلك بهداي يغزلني طرواك

لو شفت حور العين لصدگ انساك



[علي الموسوي الموسوي]

ياطيب الوكفات مديون اللك دوم
بعون الله أوفي وياك لو أبيع الهدوم .

[♡ايوووته ♡]

المفارگ ولف مايهوى وجه الليــــــــل
تكشــــــــخ ذكرياته بملبس الحســــــره
تشوف بوجهه چم يعگوب هده الشوگ
حـــــد ما تشح عينه بآخر السهــــــــره
هيچ الصار بيه وما نقلت الصـــــــــار
يم شماتي اضـــــحك وادفن العبــــــره
يعگوب بقميص وسد جرح جــــرحين
وآنه بصوره اسد واحد تفز عشره
'