دكتور بالجامعة تطرق لموضوع شائع عدنا وهو ان اللسان بيه مناطق خاصه للتذوق يعني الطعم الحلو اله مكانه الخاص باللسان والطعم المر اله مكان خاص والطعم المالح اله مكانه الخاص وشرحهه على صوره تسمى خريطة تخطيطية للسان (schematic map of the tongue) :
لكن هل فعلا هذا الكلام صحيح ؟ معقوله لكل طعم مكانه الخاص باللسان ؟
اخذت من المطبخ ملح وشكر ولمندوزي وجربتهن كل واحد على حده وشفت ان بكل مكان من اللسان نفس الطعم يعني الحلو جربته بكل مكان والحامض بكل مكان والمالح بكل مكان معناة ان ماكو منطقه مخصصه لكل طعم !
طيب هذا الاعتقاد منين اجا ؟ اجا من ورقه بحثيه نشرهه عالم النفس ادوين بورنك (Edwin Boring) بجامعة هارفرد واللي تعتبر ترجمه لورقة بحثيه المانيه واللي تم نشرها عام 1901.
(Edwin Boring)
طبعا البيانات الموجوده بهالورقه مو واضحه ومابيه دليل قطعي لكن المشكله وين ؟
الورقه تكول اكو اختلاف بـ عتبة الاحساس بالطعم .. يعني شنو ؟
الورقه تكول يعني لو اخذنا طعم معين مثلا الحامض فـ اللسان لح يتحسس هذا الطعم بكل مناطقه لكن بنسب مختلفه يعني اكو مناطق تتحسس الطعم الحامض اكثر من مناطق ثانية وهكذا بالنسبه لبقية الاطعمه ..زين المشكله شنو ؟ ؟
المشكله ان الجهات المسووله عن انتاج الكتب الدراسيه والجامعيه ما اخذت هذا بنظر الاعتبار .. اخذت ان اكو مناطق معينه لكل طعم وبس ونشرته .
زين وبعدين ؟ اوكي بعام 1974 جامعة فيرجينيا اعادت البحث بهالورقه وسوت تجارب وخرجت بنتائج قطعيه ان اي طعم معين لح يتذوقة اللسان بكل اجزائه .
المصادر للاطلاع والتوسع واي خطأ اتمنى التنبيه :
____________________________________________http://vlp.mpiwg-berlin.mpg.de/library/data/lit4562
http://www.livescience.com/7113-tong...-debunked.html
http://www.nature.com/nature/journal...ture05084.html
http://link.springer.com/article/10.3758%2FBF03203270
http://brushflossandmouthwash.com/my...ng-tongue-map/
http://www.nytimes.com/2008/11/11/he...real.html?_r=1
رد مع اقتباس
المشاركة الأصلية كتبت بواسطة سعد العراقي راقي*
