كلنا مرينا بهاللحظه .تنعس وتتمدد على الفراش وتخلي راسك عالمخده وشويه شويه تبدي نغفة .. وفجأه تلكا نفسك داخل احداث وصراعات ومطاردات سينمائيه وبعض الاحيان مرعبة بحيث يبقى تاثيره عليك حتى بعد ما تكعد من النوم تلكا تنفس ودقات القلب سريعه ,جسمك يرجف.,حرارتك مرتفعه وبعض الاحيان ريكك ناشف .هذي التجربه اللي نمر بيهه اكثر من مره باليوم تسمى بـ (الحلم).والحلم اله عدة تعاريف لكن المعنى واحد , هو عبارة عن صور ومشاعر يمر بيها الفرد ويشوف من خلاله اشخاص يعرفهم وميعرفهم , و باماكن مار بيها وممار بيها .
وحتى نتعرف على الحلم اكثر لازم نعرف مراحل النوم عند الانسان:
قبل لا نعرف المراحل لازم نعرف مصطلح مهم جدا وهو (REM= RAPID EYE MOVEMENT _حركة العين السريعه ).
مراحل انوم هي NON REM و الـ REM الببعض يقسمه الى 4 مراحل NON REM و مرحلة REM والبعض يقسمه الى 3 مراحل NON REM و مرحلة REM .
المهم عدنا ان البحوث السابقه تؤكد ان الحلم يكون بمرحلة ال REM لكن بحوث جديده اشارت الى ان الانسان ممكن ان يحلم بمرحلة الـ NON REM .
عموما العين البشريه تتحرك بسرعه بمرحلة الـ REM وتستمر الحركة السريعة من 20الى 90 دقيقه واذا الانسان كعد من نومته بهالفتره فـ مؤكد ان يتذكر الحلم وبادق التفاصيل , اما اذا كعد من نومته متاخر عن هالفتره فـ اما يتذكر الحلم بصورة ضبابيه او ميتذكر الحلم اصلا .
بعض الدراسات تكول ان الانسان يتحلم حتى ينسى !! شلون ؟ الدراسه تكول ان الانسان يوميه يقوم بنشاط مختلف,يتكلم بطرق مختلفه,يقابل ناس مختلفين ,ياكل ويشرب اكل مختلف,يفكر بطرق مختلفه الخ. ونتيجه لهذا الاختلاف فـ الدماغ يقوم بأنشاء الاف الوصلات العصبيه يوميا وبالليل الدماغ يبدي يعيد الاحداث حتى يتخلص من الوصلات الغير ضروريه .
اكو دراسات اشارت ان تناول وجبه دسمه او وجبه حاره (spicy) ممكن تسبب الكوابيس , لكن للامانه هذه الدراسة غير مثبته قطعيا.
اكو دراسه بجامعة روما على 62 طالب وشافو اثناء نومهم ان الدماغ يبعث 4 موجات ( الفا,بيتا,دلتا,ثيتا). وشافو ان الانسان يحلم لما يكون تردد موجات البيتا منخفض بالفص الامامي للمخ .
*هذي اول تجربة الي بمنتدى والموضوع شويه تعبت عليه فـ اعذروني اذا اكو اخطاء .
المصادر للاطلاع والتوسع :
____________________________________________
http://science.howstuffworks.com/lif...are-dreams.htm
https://en.wikipedia.org/wiki/Rapid_eye_movement_sleep
http://www.howsleepworks.com/types_rem.html
http://www.medicaldaily.com/pulse/wh...e-dream-364978
www.valleysleepcenter.com/the-science-behind-dreams-nightmares-and-sleep/
http://mentalfloss.com/article/51228...science-dreams
https://en.wikipedia.org/wiki/Dream
https://www.scientificamerican.com/a...hind-dreaming/
رد مع اقتباس
المشاركة الأصلية كتبت بواسطة اوسو$
