لا ارهابيه -- ولا وهابيه – يدنيه
تگدر علينه --- علي والينه – يدنيه
----
احنه ولد حسين احنه اولد عباس
شيعه احنه اتعلّمينه ما نطخ راس
والله نتباهه بعشگنه ابّين هل ناس
سيف نصبح احنه والله ابوجه الارجاس
هذا واقعنه --- الكون يسمعنه --- يدنيه
الماعرف بينه --- علي والينه -- يدنيه
-----
عالسواتر احنه صحنه ابوجه الارهاب
ياهو يگدر واحنه ابونه داحي الباب
كلمن ايقدّم دمائه من الاحباب
جاسم العريس بيده ايسلمه الاكتاب
احنه حشد الله -- والعرش صلى --- يدنيه
حلوه اسامينه -- علي والينه --- يدنيه
-----
ورغم ال اسعود ذوله الناصبيه
نبقى شيعه والعقائد حيدريه
والله من شفناهه ردت آل ميه
احنه لبَينه نداء المرجعيه
والنجف شاهد -- للولي انعاهد -- يدينه
ارفعنه ايادينه --- علي والينه ---يدنيه
----
لا وهابيه الي تمنع هل شعائر
من اجلهه سهله ننطي هل مناحر
للشهاده النه تشهد هل مقابر
ياحسين انضل نردد بالحناجر
هذا موقفنه -- الكون يعرفنه -- يدنيه
عليه اتربّينه -- علي والينه --- يدنيه
------
يسجّل التاريخ موقف هاي الابطال
كل شخص للفتوى لبّه وبالنعم گال
والحشد لمّن تصدهم مثل الجبال
عدّلوا هذا وطنه ابساعة المال
بساعه النخوه --- لبّوا الفتوه --- يدنيه
هاي اهالينه --- علي والينه --- يدنيه
------
ابمدرسة عابس درسنه درس الجنون
اليحب حسين لازم يبقى مجنون
ارهابهم ميهزنه والله ويشهد الكون
شيعه احنه اولاد حيدر خل يشوفون
ياعلي صحنه -- من نصول احنه --- يدنيه
شمرة البينه --- علي والينه --- يدنيه
------
الشاعر محمد حسن صيغم
رد مع اقتباس
المشاركة الأصلية كتبت بواسطة ♫..* همـس المشاعـ♪ـر *..♫
