اِتعـلم تظــل وحـــدك
گـضيها سكتــة وسفر
يَـلحالتـــك حالتــي . . .
إجـري حزن يا نهر
ولو جاس بيك العطش
إذكـر عطش غـربتــي . . .
تذكر صواني العرس
يــل خــلتـك ذابــل
دَگ ثايـه فوگ الجرح
من هلهل العـــاذل
خليــني شتلة مــلح
متـونس وقــــابــل
يگولون قسمة البعض ، ملعونـة يا قمستي . .
رايدني اعاشـر بعـد
وبليلي ازرع شمــع
گلـي برمـاد وملــح
يانـورس الـيقـتنــع
رايدني كلي ابتشـــر
اضحك واعوف الدمـع
وشـما ضحكـت انفضح ، تمطر دمع ضحكتــي . .
من فارگـوني انخسف
وجه العمر والگمــــر
وبيــن النهـر و النهـر
جرحـي انـه ثـالث نهر
ابِكـل الخلــص ما خلص
غير الحــزن والـقهـــر
وبــراسي زفّــة وجــع مـتـواعـدة بسكتـتــي . .
احبــابي بس عل هجـر
هــمْ وقعــوا ومضــوا
وسنيني ظلمة صفــت
بيــهن فلا ومضــــوا
ما دام فــرض الهجــر
صــلوه عليّ ومضــوا
جا عايـش المن اذا وحشــة گبــر وحــشتي . .
هم الكـه ذاتي بعد
واخذها بالاحضـان
وترجع الي ونستي
والكان ما چن كـان
اخرس واذانـه انتهت
شيــفهــم العمــيان
لو منـه فهمــوا امـر تـــرجع الي ونــستي . .
مرتضى مريود / 2010
رد مع اقتباس
المشاركة الأصلية كتبت بواسطة سارا~
